ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបញ្ជាឲ្យរដ្ឋមន្ត្រីការពារជាតិរបស់គាត់ កំណត់បទឈប់បាញ់រយៈពេល ៣៦ម៉ោង នៅសមរភូមិជួរមុខក្នុងប្រទេសអ៊ុយក្រែន ដោយចាប់ផ្តើមពីថ្ងៃសុក្រទី០៦ខែមករានេះទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទឈប់បាញ់ដែលគ្រោងចាប់ផ្តើមនៅម៉ោង ១២:០០ ថ្ងៃត្រង់ (ម៉ោងនៅទីក្រុងមូស្គូ) គឺស្របពេលជាមួយនឹងបុណ្យណូអែលគ្រិស្តអូស្សូដក់របស់រុស្ស៊ី។

ទន្ទឹមនោះ លោក​ពូទីន​បាន​ស្នើ​ឲ្យ​អ៊ុយក្រែន​ប្រកាសបទឈប់បាញ់វិញដែរ ប៉ុន្តែទី​ក្រុង​កៀវ​បាន​ច្រាន​ចោល​សំណើ​នេះ​ភ្លាមៗ។

ប្រធានាធិបតីអ៊ុយក្រែនលោក Volodymyr Zelensky បាននិយាយថា បទឈប់បាញ់នេះគឺគ្រាន់តែជាការប៉ុនប៉ង ដើម្បីបញ្ឈប់ការប្រយុទ្ធរបស់យោធាអ៊ុយក្រែននៅក្នុងតំបន់ Donbas ភាគខាងកើត ហើយរុស្ស៊ីនាំយកមនុស្ស និងឧបករណ៍ចូលបន្ថែមទៀត ប៉ុណ្ណោះ។

សម្តេចសង្ឃ Kirill របស់ទីក្រុងមូស្គូ បានអំពាវនាវឲ្យមានបទឈប់បាញ់បុណ្យណូអែល ដើម្បីអនុញ្ញាតឲ្យអ្នកមានជំនឿ ចូលរួមក្នុងពិធីព្រះវិហារសម្រាប់បុណ្យណូអែលគ្រិស្តអូស្សូដក់។ បើយោងតាមប្រតិទិន Julian, ព្រះវិហារគ្រិស្តអូស្សូដក់របស់រុស្ស៊ី គឺប្រារព្ធពិធីបុណ្យណូអែលនៅថ្ងៃទី៧ខែមករា៕

ប្រែសម្រួល៖ Vann Vann

ប្រភព៖ BBC

ចុចអាន៖ សហរដ្ឋអាមេរិក ពិចារណាបញ្ជូនយានប្រយុទ្ធ Bradley ទៅឲ្យ អ៊ុយក្រែន