ព័ត៌មានអន្ដរជាតិ
ក្រោយមានអ្នកស្លាប់ច្រើនឡើងៗ អង់គ្លេសអនុម័តប្រើប្រាស់វ៉ាក់សាំងកូវីដទីបី
រដ្ឋាភិបាលចក្រភពអង់គ្លេសកាលពីថ្ងៃសុក្របានអនុម័តវ៉ាក់សាំងការពារជំងឺកូវីដ ១៩ ដែលបង្កើតដោយក្រុមហ៊ុន Moderna សម្រាប់ប្រើប្រាស់នៅទីនោះដែលធ្វើឲ្យវាក្លាយជាការអនុម័តទីបីនៅក្នុងប្រទេសនេះ ។
ការអនុម័តនេះកើតឡើងស្របពេលដែលប្រទេសអង់គ្លេសបានកត់ត្រាទាំងការកើនឡើងនូវករណីឆ្លងថ្មីប្រចាំថ្ងៃនៃជំងឺកូវីដ ១៩ និងចំនួនអ្នកស្លាប់ខ្ពស់បំផុត ។
រដ្ឋាភិបាលអង់គ្លេសបានរាយការណ៍ពីករណីឆ្លងថ្មីចំនួន ៦៨,០៥៣ ករណី និងអ្នកស្លាប់ ១,៣២៥ នាក់កាលពីថ្ងៃសុក្រដែលជាកំណត់ត្រាខ្ពស់ក្នុងមួយថ្ងៃចាប់តាំងពីរោគរាតត្បាតកើតឡើង ។
ទីភ្នាក់ងារផ្នែកវេជ្ជសាស្ត្រ និងផលិតផលថែរក្សាសុខភាព (MHRA) បានផ្តល់ការគាំទ្រសម្រាប់ការអនុម័តនេះ បន្ទាប់ពីទទួលបានការប្រឹក្សាពីគណៈកម្មការឯករាជ្យស្តីពីឱសងមនុស្ស ។
លោកវេជ្ជបណ្ឌិត June Raine នាយកប្រតិបត្តិទីភ្នាក់ងារ MHRA បាននិយាយនៅក្នុងសេចក្តីថ្លែងការណ៍មួយថា “ការអនុម័តនេះនាំមកនូវព័ត៌មានលើកទឹកចិត្តដល់សាធារណៈជន និងវិស័យថែទាំសុខភាព ។ ការចាក់វ៉ាក់សាំងការពារជំងឺកូវីដ ១៩ ទី ៣ ត្រូវបានអនុម័តសម្រាប់ការផ្គត់ផ្គង់ បន្ទាប់ពីមានការវាយតម្លៃដ៏រឹងមាំ និងហ្មត់ចត់នូវរាល់ទិន្នន័យទាំងអស់ដែលត្រូវសម្រេចបាន ហើយខ្ញុំមានមោទនភាពដែលទីភ្នាក់ងារនេះបានជួយធ្វើឲ្យរឿងនេះក្លាយជាការពិត” ។
កាលពីខែមុនមន្រ្តីសុខាភិបាលអង់គ្លេសបានអនុម័តវ៉ាក់សាំងរបស់ក្រុមហ៊ុន Pfizer-BioNTech សម្រាប់ប្រើប្រាស់ដើម្បីការពារប្រជាជនប្រឆាំងនឹងមេរោគនេះ ខណៈកាលពីថ្ងៃចន្ទអ្នកជំនាញផ្នែកសុខភាពបានចាប់ផ្តើមប្រើប្រាស់វ៉ាក់សាំងមួយទៀតដែលត្រូវបានបង្កើតឡើងដោយក្រុមហ៊ុន AstraZeneca និងសាកលវិទ្យាល័យ Oxford ។
គួរបញ្ជាក់ថា គិតត្រឹមពេលនេះអង់គ្លេសមានករណីឆ្លងជំងឺកូវីដ ១៩ ចំនួន ២,៩៥៧,៤៧២ ករណី និងមានអ្នកស្លាប់ចំនួន ៧៩,៨៣៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ UPI
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង