ព័ត៌មានអន្ដរជាតិ
ចិន ហៅអាមេរិក ថា “ចោរប្លន់ប្រេង”
ប្រទេសចិន បានស្តីបន្ទោសសហរដ្ឋអាមេរិកថាជា “ចោរប្លន់” នៅក្នុងប្រទេសស៊ីរី ដោយអះអាងថា ការកាន់កាប់ដោយយោធារយៈពេលច្រើនឆ្នាំរបស់ទីក្រុងវ៉ាស៊ីនតោន និង ការលួចប្លន់ធនធានរបស់ស៊ីរី បានធ្វើឲ្យប្រទេសនេះស្ថិតនៅលើគែមនៃគ្រោះមហន្តរាយមនុស្សធម៌។
ថ្លែងទៅកាន់អ្នកសារព័ត៌មានក្នុងអំឡុងសន្និសីទកាសែតកាលពីថ្ងៃអង្គារទី១៧ខែមករា អ្នកនាំពាក្យក្រសួងការបរទេសចិន លោក Wang Wenbin ត្រូវបានស្នើសុំឲ្យធ្វើអត្ថាធិប្បាយលើរបាយការណ៍ថ្មីៗនៅក្នុងប្រព័ន្ធផ្សព្វផ្សាយស៊ីរីដែលថា កងកម្លាំងអាមេរិកបានដឹកជញ្ជូន “ប្រេងដែលប្លន់បាន” យ៉ាងច្រើន ចេញពីស៊ីរីទៅកាន់ប្រទេសអ៊ីរ៉ាក់កាលពីដើមខែនេះ។
លោកនិយាយថា “យើងត្រូវបានវាយប្រហារដោយភាពសាហាវឃោរឃៅនៃការលួចប្លន់របស់សហរដ្ឋអាមេរិកលើប្រទេសស៊ីរី។ ការលួចបែបនេះ កំពុងធ្វើឲ្យវិបត្តិថាមពល និងគ្រោះមហន្តរាយមនុស្សធម៌នៅក្នុងប្រទេសស៊ីរីកាន់តែធ្ងន់ធ្ងរឡើងៗ”។
យោងតាមស្ថិតិរបស់រដ្ឋាភិបាលស៊ីរី, ជាង៨០%នៃទិន្នផលប្រេងប្រចាំថ្ងៃរបស់ស៊ីរី ត្រូវបានរត់ពន្ធចេញពីប្រទេស ដោយកងទ័ពអាមេរិក នៅឆមាសទីមួយនៃឆ្នាំ២០២២។
លោកបានបន្ថែមថា “មិនថាសហរដ្ឋអាមេរិកផ្តល់ ឬទទួលយកទេ អាមេរិកបានធ្វើឲ្យប្រទេសផ្សេងទៀតធ្លាក់ចូលទៅក្នុងភាពចលាចល និងគ្រោះមហន្តរាយ ហើយអាមេរិក ទទួលបានផលប្រយោជន៍សម្រាប់អនុត្តរភាព និងផលប្រយោជន៍ផ្សេងទៀត។ នេះគឺជាលទ្ធផលនៃអ្វីដែលអាមេរិកហៅថា បទបញ្ជាផ្អែកលើច្បាប់”។
កាលពីថ្ងៃទី១៤ខែមករា ទីភ្នាក់ងារព័ត៌មានរដ្ឋអារ៉ាប់ស៊ីរី (SANA) ដែលគ្រប់គ្រងដោយទីក្រុងដាម៉ាស បានរាយការណ៍ថា “ក្បួនដែលមានរថយន្តដឹកប្រេងចំនួន៥៣គ្រឿង ផ្ទុកដោយប្រេងស៊ីរីដែលលួចបាន ត្រូវបាននាំយកពីខេត្ត Hasakah របស់ប្រទេសទៅកាន់មូលដ្ឋានទ័ពអាមេរិកក្នុងទឹកដីអ៊ីរ៉ាក់។
សារព័ត៌មានដដែលក៏បានបញ្ជាក់ផងដែរថា រថយន្តចំនួន៦០គ្រឿងទៀត បានរត់ពន្ធប្រេង និងស្រូវសាលីដែលលួចបាន ចូលទៅក្នុងប្រទេសអ៊ីរ៉ាក់កាលពីដើមខែនេះ៕
ប្រែសម្រួល៖ Vann Vann
ប្រភព៖ RT
ចុចអាន៖ ចិន ប្តេជ្ញា ឆ្លើយតប ចំពោះ ទណ្ឌកម្ម ចុងក្រោយ របស់ អាមេរិក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ