ព័ត៌មានអន្ដរជាតិ
ស្វាឪជាច្រើនក្បាលនៅសួនសត្វសហរដ្ឋអាមេរិកតេស្តវិជ្ជមានកូវីដ
សត្វស្វាឪជាច្រើនក្បាលនៅឯសួនសត្វ San Diego Zoo Safari Park រដ្ឋកាលីហ្វ័រញ៉ាបានធ្វើតេស្តវិជ្ជមានជំងឺកូវីដ ១៩ ដោយមន្ទីរពិសោធន៍សេវាពេទ្យសត្វជាតិរបស់ក្រសួងកសិកម្មសហរដ្ឋអាមេរិក ហើយគេជឿថាវាជាករណីដំបូងក្នុងចំណោមសត្វស្វាទាំងនេះនៅសហរដ្ឋអាមេរិក និងលើពិភពលោក ។
លោកស្រី Lisa Peterson នាយកប្រតិបត្តិនៃឧទ្យាននេះបានប្រាប់ទីភ្នាក់ងារសារព័ត៌មាន Associated Press (AP) កាលពីថ្ងៃចន្ទថា សត្វស្វាឪ ៨ ក្បាលដែលរស់នៅជាមួយគ្នានៅឧទ្យាននេះមានផ្ទុកវីរុសនេះ ខណៈពួកវាខ្លះទៀតកំពុងមានអាការៈក្អក ។
លោកស្រីបាននិយាយថា ស្វាឪទាំងនេះអាចឆ្លងពីសមាជិកនៃក្រុមអ្នកថែរក្សាសត្វព្រៃក្នុងឧទ្យានដែលបានធ្វើតេស្តវិជ្ជមានផងដែរចំពោះវីរុសនេះ ប៉ុន្តែមិនបង្ហាញរោគសញ្ញានោះទេ ហើយបានពាក់ម៉ាសនៅគ្រប់ពេលនៅជុំវិញសត្វស្វាឪទាំងនេះ ។
ស្របពេលជាមួយគ្នានេះយ៉ាងហោចណាស់នៅមានសត្វស្វាឪចំនួន ២ ក្បាលទៀតបានចាប់ផ្តើមក្អកកាលពីសប្តាហ៍មុន ខណៈពេលដែលស្វាទី ៣ កំពុងបង្ហាញរោគសញ្ញា ។
ក្រោយការឆ្លងលើក្រុមអ្នកថែរក្សាសត្វព្រៃ ឧទ្យាននេះត្រូវបានបិទជាសាធារណៈចាប់តាំងពីថ្ងៃទី ៦ ខែធ្នូដែលជាផ្នែកមួយនៃកិច្ចប្រឹងប្រែងបិទរដ្ឋកាលីហ្វ័រញ៉ាដើម្បីទប់ស្កាត់ករណីឆ្លងជំងឺកូវីដ ១៩ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល