Connect with us

ព័ត៌មានអន្ដរជាតិ

ពិព័រណ៍ Motor Expo លើកទី ៣៧ បិទបញ្ចប់ដោយជោគជ័យ ខណៈលក់ដាច់យានយន្តជាង ៣៨,៦៩៩ គ្រឿង

បានផុស

នៅ

ពិព័រណ៍ខ្នាតយក្ស Motor Expo  លើកទី ៣៧ ឆ្នាំ ២០២០ នៅប្រទេសថៃបានបិទបញ្ចប់ដោយមានការកក់ទុករថយន្តកៅអីបួនប្រភេទ SUV ចំនួន ៣៣,៧៥៣ គ្រឿង និងម៉ូតូ ៤,៩៤៦ គ្រឿង ។ អ្នកទស្សនា ១.២ លាននាក់បានចំណាយទឹកប្រាក់ជាង ៤៩,០០០ លានបាតនៃការកក់ទុកនេះនៅក្នុងវេទិកាតាមអនឡាញរបស់ពិព័រណ៍ Motor Expo  ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kwanchai Paphatphong ប្រធានរៀបចំពិព័រណ៍ Motor Expo ឆ្នាំ ២០២០ បានអះអាងថា “ពិព័រណ៍ Motor Expo នៅឆ្នាំនេះត្រូវបានចាត់ទុកថាទទួលបានជោគជ័យ ដោយសារការគាំទ្រពីសំណាក់អ្នកពាក់ព័ន្ធទាំងអស់រួមមានក្រុមហ៊ុនរថយន្ត ក្រុមហ៊ុនម៉ូតូ អ្នកផ្គត់ផ្គង់ឧបករណ៍សម្ភារៈ និងអ្នកចូលរួមជាដើម ខណៈប្រាក់ទាំងនេះក៏ត្រូវបានផ្តល់ឲ្យវិស័យរដ្ឋាភិបាលដើម្បីទប់ស្កាត់ការរីករាលដាលនៃជំងឹកូវីដ ១៩” ។

ទោះបីជាមានវិបត្តិរារោគតត្បាតដែលបានធ្វើឲ្យអន្តរាយដល់សេដ្ឋកិច្ចពិភពលោកក៏ដោយក៏បរិមាណនៃការលក់យានយន្តនៅក្នុងព្រឹត្តិការណ៍នេះគឺគួរឲ្យពេញចិត្ត ដោយសារតែលទ្ធផលនៃការដាក់បង្ហាញរថយន្តម៉ូដែលថ្មីជាច្រើនជាមួយនឹងប្រមូលសិនពិសេសៗ ។ ការកក់សរុបរបស់ម៉ាករថយន្តទាំង ៣១ បានធ្លាក់ចុះត្រឹមតែ ៩.៩ ភាគរយប៉ុណ្ណោះធៀបនឹងឆ្នាំមុន ខណៈពេលដែលការកក់ម៉ូតូថយចុះ ៣១.៧  ភាគរយ ។

ព័ត៌មានដែលបានផ្តល់ឲ្យដោយអ្នកចូលរួមក្នុងកម្មវិធី “ទិញឡាន ឈ្នះឡាន” បានបង្ហាញថា ការកក់ម៉ាករថយន្តកំពូលទាំង ៥ មានដូចជា HONDA, TOYOTA, MG, MAZDA និង BMW ។ បរិមាណនៃការលក់រថយន្តមានចំនួន ៤០.៩ ភាគរយ (៤៥.៥ ភាគរយកាលពីឆ្នាំមុន) ដែលមានដូចជារថយន្តកៅអីបួន ២៣.៩ ភាគរយ រថយន្តគូទលយចំនួន ១៥.៦ ភាគរយ និងរថយន្តផ្សេងទៀតមាន ១.៤ ភាគរយ ។

ទន្ទឹមនោះរថយន្តប្រភេទ SUV មានចំណែកហ៊ុន ៤០.៤ ភាគរយដែលជាការកើនឡើងពី ៣៣.៤ ភាគរយនៃឆ្នាំមុន ។ រថយន្តកំពូលទាំង ៥ មានដូចជា MG ZS, Isuzu MU-X, Toyota Corolla Cross, Mazda CX-30 និង Mitsubishi Pajero Sport ។

បន្ថែមពីនេះរថយន្ដភីកអាប់ទទួលបានចំណែកហ៊ុន ១២.២ ភាគរយ ប៉ុន្តែថយចុះបន្តិចបើធៀបនឹងឆ្នាំមុន (១៤.៥ ភាគរយ) ។ រថយន្តដែលទទួលបានចំណាត់ថ្នាក់កំពូលទាំង ៥ គឺ Isuzu D-Max, Ford Ranger, Toyota Revo, Mitsubishi Triton និង Nissan Navara ។

រថយន្តប្រណីតៗទាំងនេះមានការកក់សរុបចំនួន ៣,៧៨៣ គ្រឿង ហើយម៉ាកចំនួន ៥ ដែលទាក់ទាញចំណាប់អារម្មណ៍ជាងគេគឺ BMW, Mercedes-Benz, Volvo, Porsche និង Audi ។

ចំណែកម៉ូតូចំនួន ២១ ម៉ាកមានការកក់សរុបចំនួន ៤,៩៤៦ គ្រឿង ថយចុះ ៣១.៧ ភាគរយធៀបនឹងឆ្នាំមុន ។ ផ្អែកលើព័ត៌មានដែលទទួលបានពីអ្នកចូលរួមក្នុងកម្មវិធី “ទិញម៉ូតូ ឈ្នះម៉ូតូធំ” ម៉ាកម៉ូតូកំពូលៗ ទាំង ៥ ដែលមានកក់គឺម៉ាក Honda, GPX, Yamaha, Kawasaki និង Triumph ។

តម្លៃរថយន្តជាមធ្យមដែលបានលក់ក្នុងព្រឹត្តិការណ៍នោះគឺ ១,៤២៤,៨១១ បាត ហើយតម្លៃម៉ូតូដែលលក់បានជាមធ្យមគឺ ២៣០,១៤០ បាត ។ ព្រឹត្តិការណ៍នេះមានអ្នកទស្សនាចំនួន ១,១៨៦,៣៨៧ នាក់ដែលបានចំណាយថវិកាសរុបប្រមាណ ៤៩,០០០ លានបាត ។

ស្របពេលជាមួយគ្នានេះព្រឹត្តិការណ៍ MOTOR EXPO ONLINE PLATFORM ដែលជាព្រឹត្តិការណ៍ស្របគ្នាមួយនៅក្នុងប្រព័ន្ធផ្សព្វផ្សាយឌីជីថលដែលត្រូវបានណែនាំជាលើកដំបូងនៅឆ្នាំនេះបានស្វាគមន៍អ្នកទស្សនាចំនួន ១៦៥,០៧៨ នាក់ និងមានអ្នកទស្សនាឃ្លីបវីដេអូចំនួន ៣១៤,៥១៥ នាក់ ។ រួមជាមួយកញ្ចប់សេវាកម្ម EXCLUSIVE VISITOR ពិព័រណ៍ Motor Expo ក៏បានណែនាំសេវាកម្មនេះជាលើកដំបូងសម្រាប់ការទស្សនាផ្ដាច់មុខនៃព្រឹត្តិការណ៍នេះ និងមានកម្មវិធីដំណើរកម្សាន្តជាមួយសេវាកម្មពិសេសជាលក្ខណៈ VIP ផងដែរ ។

កម្មវិធីដំណើរកម្សាន្ត JOIN BOAT PLATFORM បានទាក់ទាញការចាប់អារម្មណ៍យ៉ាងខ្លាំងដោយសារតែទេសចរណ៍ផ្លូវទឹកបាននិងកំពុងទទួលបានប្រជាប្រិយភាពក្នុងចំណោមអ្នកចូលចិត្តរថយន្ត ដោយសារតែភាពឯកជន និងបទពិសោធន៍នៃការធ្វើដំណើរថ្មី ៕

ប្រែសម្រួលដោយ ៖ ជីវ័ន្ត

ចុចអាន ៖ ពិព័រណ៍ Motor Expo លើកទី ៣៧ បើកដំណើរការជាមួយបទពិសោធន៍ថ្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម