ព័ត៌មានអន្ដរជាតិ

លោក ពូទីន រំឭកវីរភាពទ័ពសូវៀតដល់ទាហាន រុស្ស៊ី ដែលកំពុងធ្វើសឹកនៅ អ៊ុយក្រែន

បានផុស

២ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានរំឭកពីវីរភាព និងភាពអង់អាចនៃកងទ័ពសូវៀត ដើម្បីបំផុសស្មារតីដល់ទាហានរបស់គាត់ដែលកំពុងធ្វើប្រតិបត្តិការសឹកនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានអះអាងទៀតថា កងកម្លាំងរុស្ស៊ីនឹងទទួលបានជ័យជម្នះលើអ៊ុយក្រែន ដូចអ្នកកាន់តំណែងមុនរបស់ពួកគេ ដែលបានធ្វើលើប្រទេសអាល្លឺម៉ង់ក្នុងសង្រ្គាមលោកលើកទី ២ ។

ទន្ទឹមនោះ អំឡុងការប្រារព្ធខួបលើកទី ៨០ នៃជ័យជម្នះរបស់សូវៀតនៅសមរភូមិ Stalingrad ដែលបច្ចុប្បន្នត្រូវគេស្គាល់ថា ទីក្រុង Volgograd, លោក ពូទីន ក៏ឆ្លៀតឱកាស រិះគន់មេដឹកនាំអាល្លឺម៉ង់ផងដែរ ដែលបានជួយបំពាក់អាវុធដល់ទាហានអ៊ុយក្រែន ។

លោក ពូទីន បាននិយាយថា “ជាអកុសល ឥឡូវនេះយើងឃើញមនោគមវិជ្ជានៃលទ្ធិណាស៊ីលេចឡើងក្នុងទម្រង់បែបទំនើប ហើយវាក៏ជាការបង្ហាញជាថ្មីម្តងទៀត នៃគំរាមកំហែងដោយផ្ទាល់ដល់សន្តិសុខនៃប្រទេសរបស់យើង ជាពិសេសគឺការផ្ដល់រថក្រោះខ្លារខិន Leopard 2 ដល់អ៊ុយក្រែន” ។

គួរបញ្ជាក់ថា រហូតមកដល់ពេលនេះ សង្គ្រាមលុកលុយរបស់រុស្ស៊ីលើអ៊ុយក្រែនដែលលោក វ្ល៉ាឌីមៀរ ពូទីន ចាត់ទុកជាប្រតិបត្តិការយោធាពិសេសបានអូសបន្លាយពេលជិត ១ ឆ្នាំមកហើយ បន្ទាប់ពីផ្ទុះការវាយលុកកាលពីថ្ងៃទី២៤ ខែកុម្ភៈ ឆ្នាំ២០២២ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មេណាតូប្រាប់វិធី បើចង់ឲ្យ អ៊ុយក្រែន ឈ្នះ រុស្ស៊ី