Connect with us

ព័ត៌មានអន្ដរជាតិ

មេណាតូប្រាប់វិធី បើចង់ឲ្យ អ៊ុយក្រែន ឈ្នះ រុស្ស៊ី

បានផុស

នៅ

ក្នុងដំណើរទស្សនកិច្ចរបស់ប្រមុខណាតូក្នុងប្រទេសជប៉ុនដើម្បីអំពាវនាវឲ្យមានការគាំទ្របន្ថែមទៀតដល់អ៊ុយក្រែន លោក Jens Stoltenberg និយាយថា បើចង់ឲ្យអ៊ុយក្រែនទទួលបានជ័យជម្នះលើរុស្ស៊ី យើងត្រូវតែផ្គត់ផ្គង់អាវុធចាំបាច់ទាំងអស់ដល់រដ្ឋាភិបាលទីក្រុងកៀវ បើមិនដូច្នេះទេ ជម្លោះនេះកាន់តែបង្កបញ្ហាស្ថិរភាព និងសន្តិសុខនៅអឺរ៉ុបជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទសម្ភាសន៍ជាមួយសារព័ត៌មានជប៉ុន NHK, ប្រធានអង្គការណាតូរូបនេះបាននិយាយថា ការគាំទ្ររបស់អន្តរជាតិ មិនមែនត្រឹមតែឲ្យការវាយលុករបស់រុស្ស៊ីលើអ៊ុយក្រែននៅស្ងៀមប៉ុណ្ណោះទេ ប៉ុន្តែវាក៏មានសារៈសំខាន់សម្រាប់ការជួយដល់អ៊ុយក្រែនឈ្នះលើសមរភូមិប្រយុទ្ធផងដែរ ។

លោក Stoltenberg បានបញ្ជាក់ទៀតថា ការផ្តល់អាវុធ គ្រាប់រំសេវ និងឧបករណ៍ចាំបាច់ផ្សេងទៀត ក៏នឹងធានាដល់អ៊ុយក្រែនអាចរំដោះ និងដណ្តើមយកទឹកដីមួយចំនួនមកវិញផងដែរ ជាពិសេសអ៊ុយក្រែននឹងឈ្នះក្នុងនាមជាប្រទេសឯករាជ្យអធិបតេយ្យភាពនៅអឺរ៉ុប ។

ជាមួយគ្នានោះ ប្រទេសលោកខាងលិចបានសន្យារួចហើយថានឹងផ្ដល់រថក្រោះប្រយុទ្ធទំនើបៗចំនួន ១៤០ គ្រឿងដើម្បីពង្រឹងការការពារដល់អ៊ុយក្រែន ខណៈរដ្ឋាភិបាលទីក្រុងកៀវ ក៏ត្រូវការយន្តហោះចម្បាំង និងនាវាមុជទឹក ក៏ដូចជាមីស៊ីលរយៈចម្ងាយឆ្ងាយបន្ថែមទៀត ដើម្បីទប់ទល់នឹងរុស្ស៊ីផងដែរ ។

ទន្ទឹមនឹង​ការ​អំពាវនាវ​របស់​អ៊ុយក្រែន​ឲ្យ​ផ្តល់យន្តហោះ​ចម្បាំង​ទំនើបៗ​បន្ថែមនោះ មក​ទល់​ពេល​នេះ​មិនទាន់​មាន​ចម្លើយណាមួយ​ឡើយ ជាពិសេសអាមេរិក​បាន​ប្រាប់រួចហើយ​ថា ​​ទីក្រុងវ៉ាស៊ីនតោននឹងមិន​ផ្តល់​​យន្តហោះចម្បាំង F-16 ទៅឲ្យអ៊ុយក្រែនឡើយ ៕

ប្រែសម្រួលដោយ ៖ នាង រតនៈ

ប្រភព ៖ NHK

ចុចអាន ៖ កូរ៉េខាងជើង គំរាមបាញ់នុយក្លេអ៊ែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម