លោក Zelensky ចង់ជួបប្រធានាធិបតី ចិន

ប្រធានាធិបតីអ៊ុយក្រែនលោក Volodymyr Zelensky បាននិយាយថា លោកគ្រោងនឹងជួបមេដឹកនាំចិនលោក Xi Jinping ដើម្បីពិភាក្សាអំពីសំណើរបស់ទីក្រុងប៉េកាំង ក្នុងការបញ្ចប់សង្គ្រាមនៅអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីគម្រប់ខួបលើកទី១ នៃការលុកលុយរបស់ប្រទេសរុស្ស៊ី លោក Zelensky និយាយថា សំណើនេះបង្ហាញថា ប្រទេសចិនបានចូលរួមក្នុងការស្វែងរកសន្តិភាព។ លោកបន្តថា “ខ្ញុំពិតជាចង់ជឿថា ប្រទេសចិននឹងមិនផ្គត់ផ្គង់អាវុធដល់រុស្ស៊ីទេ”។

ចំពោះផែនការរបស់ចិន, ទីក្រុងប៉េកាំង បានអំពាវនាវឲ្យមានកិច្ចចរចាសន្តិភាពនិងការគោរពអធិបតេយ្យជាតិរបស់អ៊ុយក្រែន។

ទោះបីជាយ៉ាងណាក៏ដោយ ឯកសារ១២ចំណុចនោះ មិននិយាយជាក់លាក់ថា រុស្ស៊ីត្រូវតែដកទ័ពចេញពីប្រទេសអ៊ុយក្រែននោះទេ ហើយឯកសារនោះ ក៏បានថ្កោលទោសចំពោះការប្រើប្រាស់ ទណ្ឌកម្មជាឯកតោភាគីផងដែរ នៅក្នុងអ្វីដែលត្រូវបានគេមើលឃើញថា ជាការរិះគន់កំបាំងមុខដល់សម្ព័ន្ធមិត្តរបស់អ៊ុយក្រែននៅភាគខាងលិច។

រហូតមកដល់ពេលនេះ អាជ្ញាធរចិនមិនបានឆ្លើយតបជាសាធារណៈ ចំពោះការអំពាវនាវរបស់លោក Zelensky សម្រាប់កិច្ចប្រជុំកំពូលមួយជាមួយលោក Xi នោះទេ៕

ប្រែសម្រួល៖ Vann Vann

ប្រភព៖ BBC

ចុចអាន៖ ចិន បញ្ចេញដំណោះស្រាយនយោបាយ ១២ ចំណុចចំពោះជម្លោះនៅ អ៊ុយក្រែន