Connect with us

ព័ត៌មានអន្ដរជាតិ

កាសែតអង់គ្លេស៖ កងទ័ព​អ៊ុយក្រែន កំពុង​ប្រើអាវុធ ជំនាន់ឆ្នាំ១៨៨៤ ដើម្បី​ការពារ​ទីក្រុង​សំខាន់

បានផុស

នៅ

សារព័ត៌មាន Telegraph របស់ចក្រភពអង់គ្លេស បានរាយការណ៍កាលពីថ្ងៃសៅរ៍ទី១៨ខែមីនាថា កងកម្លាំងអ៊ុយក្រែនដែលការពារទីក្រុង Artyomovsk ឬត្រូវបានគេស្គាល់ថា Bakhmut ក្នុងតំបន់ Donbass កំពុងពឹងផ្អែកលើកាំភ្លើង Maxim សម័យ វីកតូរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាទទួលបានជំនួយក្នុងទំហំទឹកប្រាក់រាប់សិបពាន់លានដុល្លារពីសហរដ្ឋអាមេរិក និងអង្គការណាតូក៏ដោយ ប៉ុន្តែទីក្រុងកៀវ ត្រូវបានគេរាយការណ៍ថា កំពុងជួបបញ្ហាកង្វះខាតសព្វាអាវុធ និងគ្រាប់រំសេវ។

កាសែតអង់គ្លេសមួយនេះ បានដកស្រង់សម្តីទាហាន​អ៊ុយក្រែន​ម្នាក់ ដែលនិយាយ​ថា​ “​ខ្ញុំ​បាន​ឃើញ​កាំភ្លើង​យន្ត Maxim នៅ​ក្នុង​នឹងកន្លែង។ ថ្វីត្បិតតែកាំភ្លើងនេះមានវ័យចំណាស់ក៏ដោយ បុន្តែវាគឺជាអាវុធដ៏ខ្លាំងក្លាមួយ”។

បង្កើតឡើងដោយលោក Hiram Stevens Maxim ក្នុងឆ្នាំ១៨៨៤, Maxim គឺជាកាំភ្លើងយន្តស្វ័យប្រវត្តិដំបូងគេក្នុងពិភពលោក។ ដោយបាញ់បាន៦០០គ្រាប់ក្នុងមួយនាទី កាំភ្លើងនេះគឺពឹងផ្អែកលើអាវទឹកធ្ងន់ ជុំវិញធុងរបស់វា ដើម្បីការពារការឡើងកម្តៅ។ កាំភ្លើងនេះ ត្រូវដាក់នៅលើកង់ដែក និងមានទម្ងន់ប្រហែល៣០គីឡូក្រាម ហើយត្រូវការមនុស្ស៤នាក់ ដើម្បីធ្វើប្រតិបត្តិការ។

កាំភ្លើង Maxim ត្រូវបានប្រើប្រាស់ដោយកងកម្លាំងអាណានិគមអង់គ្លេសនៅទ្វីបអាហ្រ្វិក និងដោយកងកម្លាំងអធិរាជរុស្ស៊ីក្នុងសង្គ្រាមរុស្សី-ជប៉ុនឆ្នាំ១៩០៤-១៩០៥។ វាត្រូវបានទុកចោលលែងប្រើត្រឹមសង្គ្រាមលោកលើកទីមួយ ព្រោះកងកម្លាំងអង់គ្លេសប្រើកាំភ្លើងយន្ត Vicker ស្រាលជាងនេះជំនួសវិញ៕

ប្រែសម្រួល៖ Vann Vann

ប្រភព៖ RT

ចុចអាន៖ ប៉ូឡូញ ក្លាយជាប្រទេសណាតូ ទី១ ដែលបញ្ជូនយន្តហោះចម្បាំងសម័យសូវៀត ទៅឲ្យ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម