ប៉ូឡូញ នឹងបញ្ជូនយន្តហោះចម្បាំង Mig សម័យសូវៀតចំនួន៤គ្រឿងទៅឲ្យអ៊ុយក្រែន ដោយក្លាយជាប្រទេសដំបូងគេរបស់អង្គការណាតូ ដែលបានបញ្ជូនយន្តហោះ ចាប់តាំងពីរុស្ស៊ី បើកការវាយលុកកាលពីឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីប៉ូឡូញ លោក Andrzej Duda និយាយកាលពីថ្ងៃព្រហស្បតិ៍ទី១៦ខែមីនាថា យន្តហោះនឹងត្រូវបានបញ្ជូននៅក្នុងរយៈពេលប៉ុន្មានថ្ងៃខាងមុខ ខណៈការប្រគល់ផ្សេងទៀតនឹងធ្វើឡើងនាពេលអនាគត។

ស្របពេលជាមួយគ្នានោះដែរ អនុប្រធានសភាអ៊ុយក្រែន លោកស្រី Olena Kondratyuk និយាយថា លោកស្រីសង្ឃឹមថា ប្រទេសជាច្រើនទៀតនឹងធ្វើតាមប៉ូឡូញ។

ប្រទេសណាតូនានា កំពុងពិចារណាបញ្ជូនយន្តហោះសម័យសូវៀត ដែលអាកាសយានិកអ៊ុយក្រែន ត្រូវបានបណ្តុះបណ្តាលឲ្យចេះធ្វើប្រតិបត្តិការ។

កន្លងមក អ៊ុយក្រែន ក៏ធ្លាប់បានស្នើសុំប្រទេសលោកខាងលិច ឲ្យបញ្ជូនយន្តហោះចម្បាំងស៊េរីទំនើបៗដូចជា F-16 ផងដែរ។

គួរបញ្ជាក់ថា នៅពេលចាប់ផ្តើមការលុកលុយរបស់រុស្ស៊ី, អ៊ុយក្រែនត្រូវបានគេជឿថា មានយន្តហោះដែលមានសមត្ថភាពប្រយុទ្ធប្រហែល១២០គ្រឿង ដែលភាគច្រើនមានអាយុចាស់ Mig-29 និង Su-27៕

ប្រែសម្រួល៖ Vann Vann

ប្រភព៖ BBC

ចុចអាន៖ ៤សប្តាហ៍ទៀត អ៊ុយក្រែន បានយន្តហោះចម្បាំង MiG-29 ហើយ