ព័ត៌មានអន្ដរជាតិ
អង់គ្លេស គិតខុសដែលដើរតាម អាមេរិក ចូលក្នុងសង្គ្រាម អ៊ីរ៉ាក់
លោកស្រី Clare Short ដែលបម្រើការជារដ្ឋមន្ត្រីការបរទេសអង់គ្លេសសម្រាប់ការអភិវឌ្ឍន៍អន្តរជាតិពីឆ្នាំ ១៩៩៧ ដល់ឆ្នាំ ២០០៣ បាននិយាយថា អង់គ្លេសបានគិតខុស និងខ្វះផែនការទទួលខុសត្រូវទាំងស្រុង ដែលដើរតាមសហរដ្ឋអាមេរិកចូលទៅក្នុងសង្គ្រាមអ៊ីរ៉ាក់កាលពី ២០ ឆ្នាំមុន ។
លោកស្រី Clare Short បាននិយាយថា អាមេរិកបានចាត់ទុកលោក សាដាម ហ៊ូសេន គឺជាមេដឹកនាំដ៏ឃោរឃៅបំផុត និងមិនមានប្រជាប្រិយភាពជាមួយប្រជាជនអ៊ីរ៉ាក់នោះទេ ដូច្នេះទើបពួកគេបើកការលុកលុយដើម្បីការពារអាយុជីវិតរបស់ប្រជាជនអ៊ីរ៉ាក់ ។
ចំណែកអង់គ្លេសវិញ លោកស្រីបានប្រាប់កងទ័ពអំពីការអភិវឌ្ឍន៍នយោបាយអន្តរជាតិ នៅមុនថ្ងៃដែលអាមេរិកបានបើកការវាយលុកលើអ៊ីរ៉ាក់ ។ លោកស្រីធ្លាប់បានលើកឡើងថា តើយើងគួរតែនៅជាមួយអាមេរិកឬក៏អត់ ប៉ុន្តែទោះជាយ៉ាងណា នៅពេលនោះយើងខ្វះការគិតពិចារណា និងមិនមានផែនការទទួលខុសត្រូវទាំងស្រុង ។
លោកស្រី Short សង្កត់ធ្ងន់ថា សង្រ្គាមអ៊ីរ៉ាក់គឺជាកំហុសដ៏អាក្រក់មួយសម្រាប់រដ្ឋាភិបាលលោក Tony Blair ព្រោះវាជាការរំលោភច្បាប់អន្តរជាតិ និងជាការបំផ្លិចបំផ្លាញដ៏គួរឲ្យភ័យខ្លាច ហើយអ្វីដែលសំខាន់នោះ វានាំមកនូវភាពអាម៉ាស់ និងធ្វើឲ្យបាត់បង់កេរិ៍្តឈ្មោះដល់រដ្ឋាភិបាល ។
លោកស្រីបញ្ជាក់ទៀតថា អ្វីដែលត្រូវធ្វើនៅពេលនេះ គឺរៀនពីមេរៀននេះ ហើយព្យាយាមនាំសន្តិភាព និងការអភិវឌ្ឍដល់ប្រជាជនអ៊ីរ៉ាក់ដែលរងទុក្ខវេទនាយ៉ាងខ្លាំងក្នុងរយៈពេល ២០ ឆ្នាំកន្លងមកនេះ ។
គួរបញ្ជាក់ថា ក្រុមចម្រុះដឹកនាំដោយសហរដ្ឋអាមេរិកបានចាប់ផ្ដើមបើកការវាយលុកនៅក្នុងប្រទេសអ៊ីរ៉ាក់កាលពីថ្ងៃទី ២០ ខែមីនា ឆ្នាំ២០០៣ ដើម្បីផ្ដួលរំលំរដ្ឋាភិបាលរបស់លោក សាដាម ហ៊ូសេន ខណៈសង្គ្រាមមួយនេះបានអូសបន្លាយពេលរហូតដល់ឆ្នាំ ២០១១ ៕
ប្រែសម្រួលដោយ ៖ ជីវ័ន្ត
ប្រភព ៖ CCTV
ចុចអាន ៖ ប្រជាជនអាមេរិកភាគច្រើនយល់ឃើញថា សង្គ្រាម អ៊ីរ៉ាក់ គឺជា កំហុស
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ