លោក Jack Ma ស្ថាបនិកក្រុមហ៊ុន Alibaba Group Holding បានវិលត្រលប់ទៅប្រទេសចិនវិញ កាលពីពេលថ្មីៗនេះ បន្ទាប់ពីធ្វើដំណើរទៅក្រៅប្រទេសអស់រយៈពេលជាងមួយឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលវិលត្រលប់មកវិញ គាត់បានទៅមើលសាលាដែលគាត់សាងសង់ក្នុងឆ្នាំ២០១៧ នៅទីក្រុង Hangzhou ដែលជាស្រុកកំណើតរបស់ក្រុមហ៊ុន Alibaba។

នៅថ្ងៃចន្ទទី២៧ខែមីនា លោក Ma បានជួបពិភាក្សាអំពីបញ្ហាអប់រំ និងបច្ចេកវិទ្យា ChatGPT ជាមួយគ្រូបង្រៀន និងសិស្សសាលា Yungu ដែលជាសាលាឯកជនមានចាប់ពីថ្នាក់មត្តេយ្យដល់វិទ្យាល័យ។

គួរបញ្ជាក់ថា លោក Ma ដែលជាសហគ្រិនល្បីឈ្មោះម្នាក់របស់ប្រទេសចិន បានចាកចេញពីចិនដីគោកនៅចុងឆ្នាំ២០២១ ហើយត្រូវបានគេឃើញក្នុងរូបថតនៅប្រទេសជប៉ុន អូស្ត្រាលី និងថៃ នាប៉ុន្មានខែក្រោយមក។

ធ្លាប់ជាពាណិជ្ជករម្នាក់ដែលរិះគន់ប្រទេសមិនសំចៃមាត់, លោក Ma បែរជាលែងសូវចេញមុខជាសាធារណៈចាប់ពីចុងឆ្នាំ២០២០ បន្ទាប់ពីបានរិះគន់ប្រព័ន្ធបទប្បញ្ញត្តិរបស់ប្រទេសចិន៕

ប្រែសម្រួល៖ Vann Vann

ប្រភព៖ CNA, Reuters

ចុចអាន៖ ចិនលេងមួយក្បាច់ Jack Ma ធ្លាក់ច្រើនលេខ លែងឈរទីកំពូល ក្នុងបញ្ជីអ្នកមានបំផុត