ព័ត៌មានអន្ដរជាតិ

ចិនលេងមួយក្បាច់ Jack Ma ធ្លាក់ច្រើនលេខ លែងឈរទីកំពូល ក្នុងបញ្ជីអ្នកមានបំផុត

បានផុស

៤ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

លោក Jack Ma ត្រូវបានគេប្រទះឃើញជាលើកដំបូងក្នុងរយៈពេលប៉ុន្មានមកខែនេះ ខណៈលោកបានធ្លាក់ទៅលេខ៥ ក្នុងបញ្ជីអ្នកមានបំផុតរបស់ប្រទេសចិន បន្ទាប់ពីទ្រព្យសម្បត្តិ ២០ ពាន់លានដុល្លារ ត្រូវខាតបង់ ចំពេលមានការបង្ក្រាបរបស់រដ្ឋាភិបាល លើចក្រភពអាជីវកម្មរបស់គាត់។

ស្ថាបនិកក្រុមហ៊ុន Alibaba រូបនេះត្រូវបានគេកំណត់គោលដៅ បន្ទាប់ពីគាត់ហ៊ានរិះគន់និយតករហិរញ្ញវត្ថុរបស់ប្រទេសចិន ហើយពេលនេះ គាត់មានទឹកប្រាក់ ៣៩.៦ពាន់លានដុល្លារ។

មហាសេដ្ឋី Zhong Shanshan ដែលជាអតីតអ្នកសារព័ត៌មាន ពេលនេះក្លាយជាអ្នកមានទ្រព្យសម្បត្តិច្រើនជាងគេនៅក្នុងប្រទេសចិន ដែលមានទឹកប្រាក់ប្រមាណ ៦០.៥ ពាន់លានដុល្លារ។ នេះបើយោងតាមការចេញផ្សាយនាពេលថ្មីៗដោយទស្សនាវដ្តី Hurun Rich List។

លោក Ma បានព្យាយាមគេចវេះពីក្រសែភ្នែកសាធារណជន ក្នុងរយៈពេលប៉ុន្មានខែថ្មីៗនេះ ចាប់តាំងពីគាត់បានរិះគន់ជាសាធារណៈ លើប្រព័ន្ធបទប្បញ្ញត្តិរបស់ប្រទេសចិន នៅក្នុងសុន្ទរកថាមួយកាលពីឆ្នាំមុន ប៉ុន្តែកាលពីសប្តាហ៍មុន គាត់បានធ្វើដំណើរទៅក្រៅប្រទេសជាលើកដំបូងចាប់តាំងពីរឿងអាស្រូវបានផ្ទុះឡើង។

បន្ទាប់ពីការអត្ថាធិប្បាយនោះ មុខជំនួញរបស់គាត់បានស្ថិតក្រោមការត្រួតពិនិត្យយ៉ាងតឹងរ៉ឹងពីនិយតករ ដល់ថ្នាក់ឈានទៅដល់ការព្យួរ IPO របស់ក្រុមហ៊ុន Ant Group ដែលមានតម្លៃ៣៧ ពាន់លានដុល្លារ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អតីតកម្មករសំណង់ ផ្តួល Jack Ma ក្លាយជាអ្នកមានបំផុតរបស់ ចិន