កាលពីថ្ងៃអង្គារទី២៨ខែមីនា បុរស​ជនជាតិ​ថៃ​ម្នាក់ ​បាន​យកកាំបិតកាប់សម្លាប់​ប្រពន្ធ នៅ​ខេត្ត Krabi ភាគ​ខាងត្បូង​ប្រទេស​ថៃ​។ គាត់​​និយាយ​ថា គាត់​បានកាប់ដាច់ ក ប្រពន្ធ​ដោយសារ​កំហឹង​ព្រោះ​នាង ​ដេកស្រាត ហើយ​និយាយទូរស័ព្ទ​ជាមួយប្រុសផ្សេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីរត់គេចខ្លួន ប៉ូលិសក៏​បាន​តាម​ដាន​និង​ចាប់​ខ្លួន​លោក Prachuap Nuanchan អាយុ ៥០ ឆ្នាំ នៅ​កសិដ្ឋាន​ចិញ្ចឹម​បង្កង​ក្នុង​ឃុំ Pak Trae ស្រុក Ranot នៃខេត្ត Songkhla។

ជនដៃដល់បាន​សារភាព​ថា ​ខ្លួនពិតជា​បាន​សម្លាប់​ប្រពន្ធ​អាយុ៥៨ឆ្នាំ ឈ្មោះ Rattanakul ឬ “Khlad” នៅ​ផ្ទះ​របស់​ពួកគេ​ក្នុង​ឃុំ Phela ស្រុក Khlong Tom នៃខេត្ត Krabi ពិតមែន។

លោក Prachuap បានប្រាប់ប៉ូលិសថា គាត់និងប្រពន្ធបានរស់នៅជាមួយគ្នាអស់រយៈពេលជាង២០ឆ្នាំមកហើយ ហើយចុះសម្រុងគ្នាល្អណាស់ តែក៏មានពេលខ្លះឈ្លោះប្រកែកគ្នាបន្តិចបន្តួចដែរ។

តែនៅថ្ងៃកើតហេតុ ពេលគាត់វិលមកពីធ្វើការវិញ គាត់ក៏បើកទ្វារផ្ទះ ឃើញប្រពន្ធដេកស្រាតនិយាយទូរស័ព្ទជាមួយប្រុសផ្សេង ក៏ខឹងចិត្តស្ទុះទៅយកកាំបិតមកកាប់តែម្តង។

ទោះបីជាយ៉ាងណាក៏ដោយ លោក Prachuap អះអាងថា ប្រពន្ធរបស់គាត់បាននិយាយអាក្រក់ពីឪពុកម្តាយរបស់គាត់ ហើយគំរាមកាប់គាត់មុន។

នៅទីបំផុត ប៉ូលិសបានចាប់ខ្លួន Prachuap នៅប៉ុស្តិ៍នគរបាលស្រុក Khlong Thom និងចោទប្រកាន់គាត់ពីបទមនុស្សឃាត៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ចាប់ខ្លួនជនដៃដល់ដែលកាប់កម្មកររោងចក្រកាល​ពីសប្ដាហ៍មុន ខណៈជនដៃដល់ឆ្លើយថា មក​ពីប្រចណ្ឌ