ព័ត៌មានអន្ដរជាតិ
ជនចំណាកស្រុករាប់រយនាក់ព្យាយាមសម្រុកចូល អាមេរិក តាមច្រកព្រំដែន ម៉ិកស៊ិក (មានវីដេអូ)
ក្រុមមន្ត្រីអាមេរិកបាននិយាយថា ជនចំណាកស្រុកមួយក្រុមធំនៅក្នុងប្រទេសម៉ិកស៊ិកបានព្យាយាមសម្រុកចូលសហរដ្ឋអាមេរិកនៅឯច្រកព្រំដែន El Paso នៃរដ្ឋ Texas ដោយបង្ខំឲ្យប៉ូលិសប្រើប្រាស់រនាំងបិទផ្លូវដើម្បីទប់ស្កាត់ជនចំណាកស្រុកទាំងនោះ ។
ទន្ទឹមនោះសារព័ត៌មាន CNN បានរាយការណ៍ថា ជនចំណាកស្រុកវេណេស៊ុយអេឡារាប់រយនាក់ រួមទាំងក្មេងតូចៗផងនោះ ត្រូវបានរារាំងដោយក្រុមមន្ត្រីព្រំដែន នៅពេលប៉ុនប៉ងសម្រុកចូលទឹកដីសហរដ្ឋអាមេរិក បន្ទាប់ពីប្រមូលផ្ដុំគ្នានៅឯទីក្រុង Ciudad Juarez ព្រំដែនម៉ិកស៊ិក ។
មន្ត្រីគយ និងការពារព្រំដែនសហរដ្ឋអាមេរិក (CBP) បាននិយាយនៅក្នុងសេចក្តីថ្លែងការណ៍មួយថា ក្រុមចំណាកស្រុកទាំងនោះកំពុងបង្កការគំរាមកំហែងយ៉ាងធ្ងន់ធ្ងរនៅតាមព្រំដែន ខណៈប៉ូលិសក៏កំពុងទប់ទល់លំហូររបស់ជនចំណាកស្រុកទាំងនោះផងដែរ ។
ស្របពេលជាមួយគ្នានេះ លោក Mario D’Agostino អភិបាលរងទីក្រុង El Paso បានប្រាប់ CNN ថា ហ្វូងមនុស្សកំពុងបែកខ្ញែក ហើយតំបន់ផ្សេងៗក៏ត្រូវបានត្រួតពិនិត្យ និងយាមកាមយ៉ាងដិតដល់ផងដែរ ដើម្បីទប់ស្កាត់ក្រុមចំណាកស្រុកមិនឲ្យឆ្លងកាត់ច្រកព្រំដែនផ្សេងទៀត ដូចជាច្រក Stanton ជាពិសេសនៅលើស្ពាន Bridge of America តែម្ដង ។
គួរបញ្ជាក់ថា ការកើនឡើងនៃជនចំណាកស្រុកនេះបានកើតឡើង នៅពេលដែលរដ្ឋបាលលោក Biden ប្រកាសពីជំហានថ្មីដើម្បីកាត់បន្ថយលំហូរជនចំណាកស្រុកដែលចង់ចូលអាមេរិកនៅតាមព្រំដែន ។ លោក Biden បានព្រមានជនចំណាកស្រុកក្នុងខែមករាថា កុំឲ្យគាត់ឃើញពួកគេនៅឯព្រំដែនភាគខាងត្បូងសហរដ្ឋអាមេរិក ប៉ុន្តែត្រូវជំនួសមកវិញ ដោយដាក់ពាក្យសុំចូលប្រទេសដោយស្របច្បាប់ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ The Hill
ចុចអាន ៖ អ៊ីស្រាអែល ប្រាប់ អាមេរិក នៅឲ្យឆ្ងាយ និងកុំចេះលូកលាន់រឿងកំណែទម្រង់ ប្រព័ន្ធតុលាការ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ