ព័ត៌មានអន្ដរជាតិ
ប្រជាជនស៊ូដង់ ភៀសខ្លួនចេញពីរដ្ឋធានី ខណៈការប្រយុទ្ធ មិនថមថយ
ជនស៊ីវិលរាប់ម៉ឺននាក់ បានភៀសខ្លួនចេញពីរដ្ឋធានីរបស់ស៊ូដង់ ហើយប្រទេសនានាកំពុងព្យាយាមជម្លៀសពលរដ្ឋរបស់ពួកគេ នៅថ្ងៃទីប្រាំនៃការប្រយុទ្ធគ្នាយ៉ាងខ្លាំងក្លា។
សាក្សីរាយការណ៍ថា កាលពីព្រឹកថ្ងៃពុធទី១៩ខែមេសា ប្រជាជនបានចាកចេញពីទីក្រុង ខាទុំ ដោយអ្នកខ្លះជិះរថយន្ត និងអ្នកខ្លះដើរ ខណៈស្នូរកាំភ្លើង និងការបំផ្ទុះគ្រាប់បែក បានធ្វើឲ្យកក្រើកទីក្រុង។
ទន្ទឹមនេះ មន្ត្រីក្នុងប្រទេសជប៉ុន និងតង់ហ្សានី និយាយថា ពួកគេកំពុងពិចារណាបេសកកម្ម ដើម្បីជម្លៀសពលរដ្ឋរបស់ខ្លួន។
ទីក្រុងតូក្យូនិយាយថា កងកម្លាំងស្វ័យការពាររបស់ខ្លួន កំពុងពិចារណាពីរបៀបជម្លៀសពលរដ្ឋជប៉ុនប្រហែល៦០នាក់ចេញពីប្រទេសស៊ូដង់ ខណៈយន្តហោះយោធា រង់ចាំសម្រាប់ប្រតិបត្តិការជម្លៀស។
ចំណែករដ្ឋមន្ត្រីការបរទេសតង់ហ្សានី លោក Stergomena Tax បានប្រាប់សភាថា រដ្ឋាភិបាលរបស់លោក ក៏កំពុងវាយតម្លៃថាតើវាអាចទៅរួចដែរឬទេ ក្នុងការជម្លៀសពលរដ្ឋរបស់ខ្លួនចំនួន ២១០នាក់។
គួរបញ្ជាក់ថា ការភៀសខ្លួននេះកើតឡើង បន្ទាប់ពីបទឈប់បាញ់កាលពីថ្ងៃអង្គាររវាងភាគីសង្គ្រាម ត្រូវដួលរលំ។
កាលពីថ្ងៃអង្គារ យោធាស៊ូដង់ និងកងកម្លាំងគាំទ្ររហ័ស (RSF) បានយល់ព្រមបទឈប់បាញ់មនុស្សធម៌ រយៈពេល២៤ម៉ោង ប៉ុន្តែបទឈប់បាញ់នោះបានដួលរលំ ត្រឹមប៉ុន្មាននាទីប៉ុណ្ណោះ បន្ទាប់ពីចូលជាធរមាននៅម៉ោង ៦ល្ងាច (ម៉ោងក្នុងស្រុក)។
បទឈប់បាញ់ថ្មីដែលមានរយៈពេលដូចគ្នាក៏ត្រូវបាន RSF ស្នើឡើងផងដែរកាលពីថ្ងៃពុធ។ កងទ័ពនិយាយថា ខ្លួននឹងគោរពតាមបទឈប់បាញ់ ប៉ុន្តែស្នូរកាំភ្លើងនៅតែអាចឮនៅទូទាំងរដ្ឋធានី។
ថ្វីបើចំនួនមនុស្សស្លាប់ដែលបណ្តាលមកពីការប្រយុទ្ធគ្នា មិនត្រូវបានគេដឹងច្បាស់ក៏ដោយ ប៉ុន្តែគណៈកម្មាធិការកណ្តាលនៃវេជ្ជបណ្ឌិតស៊ូដង់ (CCSD) បានឲ្យដឹងកាលពីថ្ងៃអង្គារថា ជនស៊ីវិលយ៉ាងតិច១៧៤នាក់ត្រូវបានសម្លាប់នៅក្នុងអំពើហិង្សានេះ៕
ប្រែសម្រួល៖ Vann Vann
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ