ព័ត៌មានអន្ដរជាតិ

កូនប្រុសលោក Joe Biden ចូលខ្លួនក្នុងតុលាការ ពាក់ព័ន្ធសំណុំរឿងចំនួន ២

បានផុស

៣ years មុន

នៅ

ថ្ងៃអង្គារ ២ ឧសភា ២០២៣

ដោយ

លោក Hunter Biden កូនប្រុសរបស់លោក Joe Biden បានបង្ហាញខ្លួននៅក្នុងតុលាការរដ្ឋ Arkansas សម្រាប់សវនាការក្នុងសំណុំរឿងពាក់ព័ន្ធនឹងហិរញ្ញវត្ថុ និងការបង់ប្រាក់ឧបត្ថម្ភដល់ចៅស្រីរបស់លោកប្រធានាធិបតីអាមេរិក ដែលលែងមានទំនាក់ទំនងនឹងគ្នា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការផ្សាយរបស់ទូរទស្សន៍អាមេរិកកាលពីថ្ងៃចន្ទបានឲ្យដឹងថា ករណីនេះកើតចេញពីជម្លោះភាពជាឪពុករវាងលោក Hunter Biden និងលោកស្រី Lunden Roberts ដែលបានសម្រាលកូនស្រីម្នាក់ក្នុងខែសីហា ឆ្នាំ ២០១៨ ហើយបានអះអាងថា ជាកូនស្រីរបស់លោក Hunter Biden ។

ដំបូងឡើយ លោក Hunter Biden បានបដិសេធមិនមែនជាឪពុករបស់ក្មេងស្រីនេះនោះទេ ប៉ុន្តែឆ្លងកាត់ការធ្វើតេស្ត DNA បានបញ្ជាក់ថា លោក Hunter Biden ពិតជាឪពុករបស់ក្មេងស្រីនោះប្រាកដមែន ខណៈក្រោយមកករណីនេះត្រូវបានបិទនៅឆ្នាំ ២០២០ ។

ទោះយ៉ាងណា នៅក្នុងខែកញ្ញា ករណីនេះត្រូវបានបើកឡើងវិញ បន្ទាប់ពីលោក Hunter Biden បានស្នើសុំឲ្យតុលាការកាត់បន្ថយការបង់ប្រាក់ឧបត្ថម្ភដល់កូនរបស់គាត់ ដោយលើកឡើងពីស្ថានភាពហិរញ្ញវត្ថុ ជាពិសេសគឺការធ្លាក់ចុះនៃប្រាក់ចំណូលរបស់លោក ។

ទន្ទឹមនោះ របាយការណ៍ក៏បាននិយាយផងដែរថា កាលពីសប្តាហ៍មុន លោកស្រី Roberts បានចោទប្រកាន់លោក Hunter Biden ពីបទរំលោភលើដីការបស់តុលាការ និងបានដកហូតព័ស្តុតាងសំខាន់ៗមួយចំនួនផងដែរ ហើយថែមទាំងស្នើសុំចៅក្រមតុលាការ Independence County Circuit Court គឺលោក Holly Meyer ឲ្យឃុំខ្លួនលោក Hunter Biden ពីបទមើលងាយ និងចាប់គាត់ដាក់ពន្ធនាគារ រហូតទាល់តែគាត់សារភាពទោសកំហុស ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ សហរដ្ឋអាមេរិក អាចអស់សាច់ប្រាក់ត្រឹមថ្ងៃទី១ខែមិថុនា

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា