ព័ត៌មានអន្ដរជាតិ

លោក បៃដិន អះអាងថា ប្រព័ន្ធធនាគារ អាមេរិក នៅតែមានសុវត្ថិភាព

បានផុស

៣ years មុន

នៅ

ថ្ងៃពុធ ៣ ឧសភា ២០២៣

ដោយ

ទោះបីជាធនាគារ The First Republish ត្រូវបាននិយ័តករអាមេរិករឹបអូស ហើយលក់ទ្រព្យសម្បត្តិមួយចំនួនធំឲ្យក្រុមហ៊ុនហិរញ្ញវត្ថុ JP Morgan Chase ក៏ដោយ ប៉ុន្តែលោកប្រធានាធិបតី ចូ បៃដិន បញ្ជាក់ថា ប្រព័ន្ធធនាគារអាមេរិកនៅតែរក្សាបានសុវត្ថិភាពហិរញ្ញវត្ថុពេញលេញដដែល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចូ បៃដិន បានធានាដល់ប្រជាជនអាមេរិកថា ទោះបីជាមានធនាគារចំនួន ៣ ដួលរលំក៏ដោយ ប៉ុន្តែប្រព័ន្ធនេះគឺនៅតែមានសុវត្ថិភាព និងត្រឹមត្រូវ ហើយសម្រាប់អ្នកដាក់ប្រាក់បញ្ញើទាំងអស់កំពុងត្រូវបានការពារ ខណៈអ្នកបង់ពន្ធមិនមែនជាអ្នកដែលជាប់ពាក់ព័ន្ធក្នុងបញ្ហាដួលរលំធនាគារនោះទេ ។

ទោះយ៉ាងណា លោក ចូ បៃដិន ក៏អំពាវនាវដល់និយ័តករអាមេរិកឲ្យពង្រឹងការគ្រប់គ្រងរបស់ពួកគេបន្ថែមទៀតផងដែរចំពោះវិស័យធនាគារ កុំឲ្យជួបបញ្ហាដដែលនេះទៀត ។

គួរបញ្ជាក់ថា ធនាគារ First Republish គឺជាធនាគារធំទី ៣ របស់អាមេរិកហើយដែលបានប្រកាសក្ស័យធនដួលរលំក្នុងឆ្នាំនេះ បន្ទាប់ពីធនាគារ Silicon Valley Bank និងធនាគារ Signature ដែលបានដួលរលំដូចគ្នាកាលពីខែមីនាកន្លងទៅ ខណៈការដួលរលំរបស់ធនាគារ First Republish គឺមានទ្រព្យសកម្មរហូតដល់ ២២៩ ពាន់លានដុល្លារ ពោលច្រើនជាងធនាគារ Silicon Valley ទៅទៀត ៕

ប្រែសម្រួល ៖ នាង រតនៈ

ប្រភព ៖ NHK

ចុចអាន ៖ ធនាគារមួយទៀតរបស់ អាមេរិក ប្រកាសក្ស័យធន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា