ព័ត៌មានអន្ដរជាតិ

ភស្តុតាងចំណាស់ជាងគេបំផុតលើពិភពលោកបង្ហាញថា មនុស្សស្គាល់ការថើបតាំងពី ៤,៥០០ ឆ្នាំមុន

បានផុស

១ year មុន

នៅ

ថ្ងៃសៅរ៍ ២០ ឧសភា ២០២៣

ដោយ

ការថើបដើម្បីបង្ហាញពីភាពទាក់ទាញផ្លូវភេទរវាងគូស្នេហ៍ វាមានរយៈពេលយ៉ាងហោចណាស់មួយពាន់ឆ្នាំយូរជាងប្រវត្តិសាស្ត្រដែលបានកត់ត្រា ខណៈភស្តុតាងថ្មីជាច្រើនត្រូវបានគេរកឃើញពីបន្ទះដីឥដ្ឋនៃអរិយធម៌មេសូប៉ូតាមៀ ដែលបង្ហាញថា មនុស្សបានដឹងអំពីការថើបតាំងពី ៤,៥០០ ឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកវិទ្យាសាស្ត្រដែលមានឯកទេសខាងប្រវត្តិវេជ្ជសាស្ត្រ ដឹកនាំដោយវេជ្ជបណ្ឌិត Troels Pank Arbøll មកពីសាកលវិទ្យាល័យ Copenhagen ក្នុងប្រទេសដាណឺម៉ាកបានបញ្ចាក់ថា ការរកឃើញខាងលើត្រូវបានចុះផ្សាយនៅក្នុងព្រឹត្តិបត្រវិទ្យាសាស្ត្រថ្មីបំផុតកាលពីថ្ងៃទី១៨ ខែឧសភា។

របាយការណ៍ស្រាវជ្រាវបង្ហាញថា ដីឥដ្ឋបុរាណជាច្រើនត្រូវបានរកឃើញ ដែលត្រូវគេដឹងថាបានបង្កើតឡើងនៅប្រហែល ២,៥០០ មុនគស នៅតំបន់មជ្ឈិមបូព៌ារវាងទន្លេ Tigris និង Euphrates ឬបច្ចុប្បន្នអ៊ីរ៉ាក់ និងស៊ីរី សិលាចារឹកបង្ហាញទាំងរូបភាព និងអក្សរ Cuneiform បង្ហាញថា ការថើបគឺជាផ្នែកមួយនៃអាកប្បកិរិយាទូទៅរបស់គូស្នេហ៍។

លោកបណ្ឌិត Abeul ពន្យល់ពីរឿងមួយនេះថា សូម្បីតែការថើបផ្នែកផ្សេងៗនៃក្បាល និងមុខ ដែលជាការបង្ហាញពីក្ដីស្រឡាញ់ក្នុងគ្រួសារ និងមិត្តភ័ក្ដិ វានឹងក្លាយជាឥរិយាបទជាសកលយោងទៅតាមសភាវគតិរបស់យើងដែលមានតាំងពីយូរយារណាស់មកហើយ ជាមួយនឹងការកើតឡើងនៃមនុស្សជាតិ។ ប៉ុន្តែការថើបមាត់ដែលគូស្នេហ៍ធ្វើ វាមិនមែនជាអាកប្បកិរិយាសកលដែលមាននៅគ្រប់វប្បធម៌រាប់ពាន់ឆ្នាំមុននោះទេ។

ទោះយ៉ាងណាក៏ដោយ កាលពីមុនអ្នកប្រវត្តិសាស្ត្រជឿដូច្នេះថា ភស្តុតាងចំណាស់ជាងគេបំផុតរបស់ពិភពលោកនៃការថើបជាមួយនឹង ការទាក់ទាញផ្លូវភេទ រួមទាំងសិលាចារឹកដែលមានអាយុ ៣,៥០០ឆ្នាំត្រូវបានរកឃើញនៅក្នុងប្រទេសឥណ្ឌា៕