អាល្លឺម៉ង់ ថា ​រុស្ស៊ី ​មាន​សមត្ថភាព​បន្ត​ប្រតិបត្តិការ​យោធា​នៅ​អ៊ុយក្រែន យូរអង្វែងទៀត

ប្រធាន​សេវាចារកម្ម​សហព័ន្ធ​អាល្លឺម៉ង់ (BND) លោក Bruno Kahl បាន​និយាយ​ថា ប្រទេស​រុស្ស៊ី ​មាន​សមត្ថភាព​បន្ត​ប្រតិបត្តិការ​យោធា​របស់​ខ្លួន​នៅ​ក្នុង​ប្រទេស​អ៊ុយក្រែន យូរអង្វែងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារព័ត៌មាន DPA បានដកស្រង់សម្តីប្រមុខចារកម្មរូបនេះ ដែលនិយាយថា “ដូចពីមុនអ៊ីចឹង រុស្ស៊ី នៅតែមានសមត្ថភាពដឹកនាំប្រតិបត្តិការយោធាពិសេសរបស់ខ្លួន បានយូរអង្វែងទៀត”។

ស្របពេលជាមួយគ្នានោះ លោក Kahl ក៏បានកត់សម្គាល់ផងដែរថា សេវាស៊ើបការណ៍សម្ងាត់មិនឃើញថា ជម្លោះនេះធ្វើឲ្យមានការរង្គោះរង្គើដល់អាជ្ញាធរនៃរដ្ឋរុស្ស៊ីនោះទេ។

ការអះអាងរបស់លោក Kahl កើតឡើង បន្ទាប់ពី មេក្រុមទាហានស៊ីឈ្នួលរុស្ស៊ី បានប្តេជ្ញាប្រគល់ការគ្រប់គ្រងទីក្រុង Bakhmut ទៅឲ្យកងទ័ពរុស្ស៊ីត្រឹមថ្ងៃទី១ខែមិថុនា។

ស្ថាបនិកក្រុមហ៊ុន Wagner លោក Yevgeny Prigozhin បានអះអាង វាយយកបានទីក្រុងនេះ កាលពីថ្ងៃសៅរ៍ទី២០ខែឧសភា ប៉ុន្តែទីក្រុងកៀវ និយាយថា ខ្លួននៅតែគ្រប់គ្រងផ្នែកខ្លះ៕

ប្រែសម្រួល៖ Vann Vann

ប្រភព៖ Tass

ចុចអាន៖ មេក្រុមទាហានស៊ីឈ្នួល ប្តេជ្ញាប្រគល់ទីក្រុង Bakhmut ទៅឲ្យកងទ័ពរុស្ស៊ី នៅខែក្រោយ