ព័ត៌មានអន្ដរជាតិ
អ្នកវិទ្យាសាស្ត្ររុស្ស៊ីបញ្ចេញរូបភាពវីរុសកូរ៉ូណាបម្លែងខ្លួនប្រភេទថ្មី ថតពីមីក្រូទស្សន៍
អ្នកវិទ្យាសាស្ត្រមកពីអង្គការឃ្លាំមើលសុខភាពសាធារណៈរបស់រុស្ស៊ី Rospotrebnadzor បានថតរូបភាពពីមីក្រូទស្សន៍នៃវីរុសកូរ៉ូណាបម្លែងខ្លួនប្រភេទថ្មីដែលត្រូវបានរកឃើញនៅចក្រភពអង់គ្លេស ។
អ្នកឃ្លាំមើលបាននិយាយនៅក្នុងសេចក្តីថ្លែងការណ៍មួយថា “មជ្ឈមណ្ឌលស្រាវជ្រាវភាគល្អិតរបស់ Rospotrebnadzor បានក្លាយជាមជ្ឈមណ្ឌលដំបូងគេនៅលើពិភពលោកដែលបានថតរូបវីរុសកូរ៉ូណាក្លាយពូជនៅចក្រភពអង់គ្លេសពីអ្នកជំងឺដែលរស់នៅផ្ដាច់ខ្លួនក្នុងខែធ្នូឆ្នាំ ២០២០” ។
សេចក្តីថ្លែងការណ៍បាននិយាយថា “រូបថតវីរុសនៅក្រោមមីក្រូទស្សន៍ត្រូវបានធ្វើឡើងក្នុងពេលកំពុងសិក្សាអំពីលក្ខណៈរបស់វីរុសកូរ៉ូណាបម្លែងខ្លួនប្រភេទថ្មីនេះរួមមានលក្ខណៈរចនាសម្ព័ន្ធ និងការបញ្ចេញកោសិកាបន្ថែមរបស់វា ក៏ដូចជាគំរូពិសោធន៍ដោយប្រើសត្វនៅមន្ទីរពិសោធន៍” ។
សេចក្តីថ្លែងការណ៍បានបន្តទៀតថា ការធ្វើតេស្ត PCR ដែលអភិវឌ្ឍដោយ Rospotrebnadzor មានសមត្ថភាពក្នុងការរកឃើញវីរុសថ្មីនេះចំពោះអ្នកជំងឺ ខណៈដែលឧបករណ៍ធ្វើតេស្តដោយវិទ្យាស្ថានស្រាវជ្រាវផ្នែករោគរាតត្បាតកណ្តាលរបស់អង្គការឃ្លាំមើលមានសមត្ថភាពប្រាប់វាពីបម្រែបម្រួលដែលមិនមានការផ្លាស់ប្តូរនៃវីរុសថ្មីនេះ ។
នៅក្នុងខែធ្នូចក្រភពអង់គ្លេសបានប្រកាសថា វីរុសកូរ៉ូណាបម្លែងខ្លួនប្រភេទថ្មីត្រូវបានគេរកឃើញនៅក្នុងប្រទេសដោយបន្ថែមថា វីរុសបម្លែងខ្លួនប្រភេទថ្មីនេះអាចមានប្រសិទ្ធភាពឆ្លងរហូតដល់ ៧០ ភាគរយ និងរហ័សជាងជំងឺ SARS-CoV-2 ដែលជាប្រភពដើមទៅទៀត ។ បន្ទាប់ពីព័ត៌មាននេះប្រទេសជាច្រើនបានផ្អាកការធ្វើដំណើរទៅនិងមកពីអង់គ្លេស ប៉ុន្តែមិនមានភ័ស្តុតាងណាដែលថាវីរុសប្រភេទថ្មីនេះបង្កគ្រោះថ្នាក់ធ្ងន់ធ្ងរនោះទេ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ីផ្លាស់ប្តូរការកំណត់សីតុណ្ហភាពសម្រាប់ផ្ទុកវ៉ាក់សាំងកូវីដ Sputnik V
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង