ព័ត៌មានអន្ដរជាតិ
កងកម្លាំងលោក ពូទីន ចូលឆែកឆេរវិមានមេទាហានស៊ីឈ្នួល រកឃើញរបស់គួរឲ្យភ្ញាក់ផ្អើលជាច្រើន
ក្រោយមេទាហានស៊ីឈ្នួល Yevgeny Prigozhin រងបរាជ័យក្នុងការបះបោរនៅប្រទេសរុស្ស៊ី លោក ពូទីន បានបញ្ជូនកងកម្លាំងទៅវាយឆ្មក់វិមានរបស់គាត់ ក្នុងទីក្រុង St Petersburg។
កាលពីថ្ងៃព្រហស្បតិ៍ទី៦ខែកក្កដា គេហទំព័រគាំទ្រវិមានក្រឹមឡាំង Izvestia បានចេញផ្សាយរូបថតនិងវីដេអូរបស់មន្ត្រីប្រដាប់អាវុធ ដែលកំពុងឆែកឆេរវិមានរបស់លោក Prigozhin។
ក្នុងប្រតិបត្តិការនោះ ក្រុមអ្នកស៊ើបអង្កេត បានជួបប្រទះរឿងភ្ញាក់ផ្អើល ដោយពួកគេរកឃើញឃ្លាំងអាវុធនិងគ្រាប់រំសេវដ៏ធំសម្បើម ឃ្លាំងស្តុកពេញដោយដុំមាស សត្វក្រពើ និងរូបថតជាច្រើនសន្លឹកបង្ហាញពីក្បាលមនុស្សដែលជាសត្រូវរបស់លោក Prigozhin ត្រូវដាច់ចេញពីខ្លួន។
ក្រុមឆែកឆេរ ក៏បានរកឃើញផងដែរនូវសក់ពាក់ខុសៗគ្នាជាច្រើនម៉ូដ ហើយមានចម្រុះពណ៌ចាប់ពីពណ៌ប្រផេះទៅពណ៌ត្នោត។
គួរបញ្ជាក់ជាថ្មី មេក្រុមទាហានស៊ីឈ្នួល Wagner បានដឹកនាំកម្លាំងជាង២ម៉ឺននាក់ ប៉ុនប៉ងបះបោរក្នុងប្រទេសរុស្ស៊ី កាលពីខែមុន ប៉ុន្តែក្រោយមកបានដកថយវិញ បន្ទាប់ពីមានកិច្ចព្រមព្រៀង។
ក្រោយមក លោក Prigozhin បាននិរទេសខ្លួនទៅកាន់ប្រទេសបេឡារុស ហើយប្រភពពីប្រមុខចារកម្មអាមេរិកបានអះអាងថា មេទាហានស៊ីឈ្នួលរូបនេះ ត្រូវលាក់ខ្លួនក្នុងបន្ទប់សណ្ឋាគារគ្មានបង្អួច នៅទីក្រុង Minsk ដើម្បីចៀសវាងការធ្វើឃាត។
ពេលនោះ ប្រធានគណៈកម្មាធិការស៊ើបការណ៍សម្ងាត់ព្រឹទ្ធសភាអាមេរិកលោក Mark Walker បានទទួលរបាយការណ៍ថា ប្រធានក្រុម Wagner កំពុងធ្វើគ្រប់វិធីដើម្បីចៀសវាងរឿងរ៉ាវអាក្រក់ដែលអាចកើតឡើងចំពោះខ្លួន។ ក្នុងរយៈពេលមួយឆ្នាំកន្លះមកនេះ មានជនជាតិរុស្ស៊ីមួយចំនួន ដែលក្រោយពេលប្រឆាំងលោក ពូទីន បានធ្លាក់ចេញពីបង្អួចជាន់ទី៥ ទី៦ ឬជាន់ទី៧យ៉ាងអាថ៌កំបាំង”៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចារកម្មអាមេរិក ៖ មេក្រុម Wagner ត្រូវលាក់ខ្លួនក្នុងបន្ទប់គ្មានបង្អួច ព្រោះខ្លាចគេធ្វើឃាត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង