លោក Biden ត្រូវទទួលមេដឹកនាំជប៉ុន និងកូរ៉េខាងត្បូង សម្រាប់កិច្ចប្រជុំកំពូល នៅថ្ងៃទី១៨ ខែសីហា

សេតវិមានបាននិយាយថា ប្រធានាធិបតីអាមេរិកលោក Joe Biden នឹងធ្វើជាម្ចាស់ផ្ទះទទួលនាយករដ្ឋមន្ត្រីជប៉ុន Fumio Kishida និងប្រធានាធិបតីកូរ៉េខាងត្បូង Yoon Suk Yeol សម្រាប់កិច្ចប្រជុំកំពូលត្រីភាគីនៅឯ Camp David ក្នុងរដ្ឋ Maryland នៅថ្ងៃទី១៨ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យសេតវិមានលោកស្រី Karine Jean-Pierre បាននិយាយនៅក្នុងសេចក្តីថ្លែងការណ៍ថា “ថ្នាក់ដឹកនាំទាំងបី នឹងពិភាក្សាអំពីការពង្រីកកិច្ចសហប្រតិបត្តិការត្រីភាគី នៅទូទាំងតំបន់ឥណ្ឌូប៉ាស៊ីហ្វិក និងលើសពីនេះទៀត រួមទាំងដោះស្រាយ ការគំរាមកំហែងជាបន្ត ដែលបង្កឡើងដោយកូរ៉េខាងជើង និងដើម្បីពង្រឹងទំនាក់ទំនងជាមួយអាស៊ាន និងកោះប៉ាស៊ីហ្វិក ផងដែរ”។

លើសពីនេះ ទីក្រុងវ៉ាស៊ីនតោនចង់លើកទឹកចិត្ត ឲ្យមានកិច្ចសហប្រតិបត្តិការកាន់តែជិតស្និទ្ធជាមួយសម្ព័ន្ធមិត្តសំខាន់ទាំងពីររបស់ខ្លួននៅអាស៊ី ចំពេលមានក្តីព្រួយបារម្ភអំពីថាមពលដែលកំពុងកើនឡើងរបស់ប្រទេសចិន និងកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង។

ប្រទេសជប៉ុននិងកូរ៉េខាងត្បូង បានធ្វើការដើម្បីកែលម្អទំនាក់ទំនងទ្វេភាគី ដែលកំពុងតែតានតឹង បន្ទាប់ពីជម្លោះអស់រយៈពេលជាច្រើនឆ្នាំ ជុំវិញបញ្ហាប្រវត្តិសាស្ត្រ៕

ប្រែសម្រួល៖ Vann Vann

ប្រភព៖ CNA

ចុចអាន៖ ដូណាល់ ត្រាំ អះអាងថា ចូ បៃដិន និងកូនប្រុស ប្រើកូកាអ៊ីន