ក្រោយផ្ទុះការឆ្លងក្នុងសហគមន៍ វៀតណាមបន្ថែមរយៈពេលធ្វើចត្តាឡីស័កដល់ទៅ២១ថ្ងៃ

រយៈពេលធ្វើចត្តាឡីស័កនៅប្រទេសវៀតណាមពាក់ព័ន្ធនឹងការផ្ទុះឡើងនៃការឆ្លងក្នុងសហគមន៍ថ្មី នឹងពង្រីកពី១៤ដល់ទៅ២១ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទបញ្ជារបស់លោកនាយករដ្ឋមន្រ្តី Nguyen Xuan Phuc បានធ្វើឡើងបន្ទាប់ពីការឆ្លងចំនួន៨៤ករណី ត្រូវបានកត់ត្រាក្នុងខេត្តភាគខាងជើង Hai Duong និង Quang Ninh។

បទបញ្ជារបស់លោកនាយករដ្ឋមន្រ្តី បានតម្រូវឲ្យមនុស្សដែលមានទំនាក់ទំនងជិតស្និទ្ធជាមួយអ្នកឆ្លងកូវីដត្រូវធ្វើចត្តាឡីស័ករយៈពេល២១ថ្ងៃ ជំនួសឲ្យរយៈពេលធម្មតាដែលមានត្រឹម១៤ថ្ងៃ។ វិធានការកាន់តែតឹងរ៉ឹងនេះគឺដោយសារតែ វត្តមានវីរុសបម្លែងខ្លួនចក្រភពអង់គ្លេស។

ប្រសិនបើត្រូវបានអនុម័តមែននោះ រយៈពេលនៃវិធានការគម្លាតសង្គមក្នុងអំឡុងពេលនៃការផ្ទុះឡើងនេះ ក៏នឹងអូសបន្លាយពេល២១ថ្ងៃផងដែរពោលគឺយូរជាងរយៈពេលធម្មតា ១៥ថ្ងៃ។

ទីប្រជុំជន Chi Linh ដែលមានប្រជាជន២២០,០០០នាក់ ត្រូវបានបិទរយៈពេល២១ថ្ងៃ ដោយចាប់ផ្តើមកាលពីថ្ងៃព្រហស្បតិ៍ម្សិលមិញ។

គួរបញ្ជាក់ជាថ្មីថា ការផ្ទុះឡើងនូវវីរុសកូរ៉ូណាចុងក្រោយបង្អស់នេះ បានធ្វើឲ្យប្រទេសវៀតណាមបញ្ចប់កំណត់ត្រាគ្មានការឆ្លងក្នុងសហគមន៍រយៈពេលជិត២ខែ, ត្រឹមតែ២សប្តាហ៍ប៉ុណ្ណោះមុនពិធីបុណ្យចូលឆ្នាំថ្មីនៅពាក់កណ្តាលខែកុម្ភៈ៕

ប្រែសម្រួលដោយ៖ Vann Vann

ប្រភព៖ VN Express

ចុចអាន៖ កូវីដកំពុងផ្ទុះខ្លាំងនៅវៀតណាម ថ្ងៃនេះរកឃើញការឆ្លងក្នុងសហគមន៍៨១ករណី