សត្វក្រពាធំបំផុតក្នុងរដ្ឋ Mississippi ត្រូវប្រជាជនយកធ្វើម្ហូប

សត្វក្រពាពូជ Behemoth ធំបំផុតមិនធ្លាប់មាននៅរដ្ឋ Mississippi នៃសហរដ្ឋអាមេរិក ត្រូវគេចាប់បានកាលពីថ្ងៃសៅរ៍ ទី២៦ ខែសីហា ។

សាច់ក្រពាដ៏ធំខាងលើត្រូវបរិច្ចាគទៅ “ផ្ទះបាយអង្គការមិនរកប្រាក់ចំណូល” នៅជុំវិញតំបន់ដូចជា Hunters Harvest ជាដើម ចំណែកឯស្បែកក៏ត្រូវយកទៅច្នៃជាស្បែកគុណភាពខ្ពស់ដែរ ។

វាមានទម្ងន់ ៣៦៤ គីឡូក្រាម និងប្រវែង ៤,៣ ម៉ែត្រ ដែលទាមទារឲ្យអ្នកនេសាទ ៤ នាក់ចំណាយពេល ៧ ម៉ោង ទើបចាប់វាបានពីទន្លេ Yazoo ។

ជាការពិតណាស់ នេះជាក្រពាធំបំផុតមិនធ្លាប់មានក្នុងរដ្ឋ Mississippi ព្រោះកំណត់ត្រាចុងក្រោយរបស់រដ្ឋកាលពីឆ្នាំ ២០១៧ ក្រពាដែលធំបំផុតមានទម្ងន់ ប្រហែល ៣៤៧ គីឡូក្រាមប៉ុណ្ណោះ។

ប្រជាជននៅតំបន់នោះមានភាពសប្បាយរីករាយជាពន់ពេក ពួកគេបានឲ្យដឹងថា ការចាប់សត្វក្រពាដ៏ធំនេះចេញធ្វើឲ្យគាត់មានអារម្មណ៍សុវត្ថិភាពជាងមុន ជាពិសេសអស់កង្វល់ពីសុវត្ថិភាពក្រុមគ្រួសារ និងសត្វចិញ្ចឹមដែលចូលចិត្តនៅក្បែរមាត់ទឹក ៕

ប្រែសម្រួល៖ វារី

ប្រភព៖ Insider

ចុចអាន៖ កសិករម្នាក់បាត់ខ្លួន ៤ ថ្ងៃ រកឃើញសពក្នុងពោះក្រពើជិត ៤ ម៉ែត្រ នៅម៉ាឡេស៊ី

ចុចអាន៖ ក្រពើធំបំផុតលើលោក នៅតែបន្តលូតលាស់ ទោះចាស់យ៉ាងណាក៏ដោយ