កសិករម្នាក់បាត់ខ្លួន ៤ ថ្ងៃ រកឃើញសពក្នុងពោះក្រពើជិត ៤ ម៉ែត្រ នៅម៉ាឡេស៊ី

​កសិករ​ម្នាក់បានបាត់ខ្លួនអស់រយៈពេល ៤ ថ្ងៃ នៅម៉ាឡេស៊ី ធ្វើឲ្យក្រុមគ្រួសារព្រួយបារម្ភយ៉ាងខ្លាំង ស្រាប់តែប្រទះឃើញសពក្នុងក្រពើប្រវែងជាង ៤ ម៉ែត្រទៅវិញ ។

អ្នកតំណាងនៃនាយកដ្ឋានសត្វព្រៃ Sabah បានរកឃើញបំណែកសាកសពរបស់លោក Addi Bangsa វ័យ ៦០ ឆ្នាំ ក្នុងពោះក្រពើ បន្ទាប់ពីពួកគេបានបាញ់ រួចវះពោះរបស់វា ។ សត្វក្រពើឈ្មោលដ៏ធំខាងលើត្រូវគេបាញ់សម្លាប់វេលាម៉ោង ៣ ព្រឹក ថ្ងៃទី២២ ខែកក្កដា និងវះពោះចំពោះមុខគ្រួសារជនរងគ្រោះម៉ោង ១១ ព្រឹក ។

ប្រធានស្ថានីយ៍ពន្លត់អគ្គីភ័យ និងជួយសង្គ្រោះ Tawau លោក Jemishin Ujin បានបញ្ជាក់ឲ្យដឹងថា នៅពេលវះពោះក្រពើ សមាជិកគ្រួសាររបស់អ្នកស្លាប់សុទ្ធតែមានវត្តមាននៅទីនោះទាំងអស់ ។

ដោយឡែកមូលហេតុនៃការចាប់ក្រពើ និងរបៀបនៃការរកឃើញសាកសព នៅមិនទាន់បកស្រាយនៅឡើយទេ មកទល់ពេលនេះ ៕

ប្រែសម្រួល៖ វារី

ប្រភព៖ dailystar

ចុចអាន៖ មិនគួរឲ្យជឿ ក្រពើពាំសពក្មេងលង់ទឹក ទៅឲ្យមនុស្សវិញនៅ ឥណ្ឌូណេស៊ី