ព័ត៌មានអន្ដរជាតិ
Joe Biden លាតត្រដាងប្រធានបទ ដែលលោកពិភាក្សាជាមួយ នាយករដ្ឋមន្ត្រីឥណ្ឌា Narendra Modi នៅ G20
ក្នុងសន្និសីទសារព័ត៌មាននៅទីក្រុងហាណូយ នៃប្រទេសវៀតណាម ប្រធានាធិបតីសហរដ្ឋអាមេរិកលោក Joe Biden និយាយថា លោកបានលើកឡើងពីបញ្ហាសិទ្ធិមនុស្ស និងសារៈសំខាន់នៃសេរីភាពសារព័ត៌មាន ជាមួយនាយករដ្ឋមន្ត្រីឥណ្ឌា Narendra Modi ក្នុងទីក្រុង ដែលី។
កាលពីថ្ងៃអាទិត្យទី១០ខែកញ្ញា លោក Biden បានស្ថិតនៅរដ្ឋធានីឥណ្ឌា ដើម្បីចូលរួមកិច្ចប្រជុំកំពូល G20។ អំឡុងពេលនោះ លោកក៏បានជួបពិភាក្សាទ្វេភាគីជាមួយលោក Modi ផងដែរ។
លោក Biden និយាយថា លោកមានកិច្ចពិភាក្សាជាច្រើន ជាមួយលោក Modi អំពីការបន្តពង្រឹងទំនាក់ទំនងឥណ្ឌា-អាមេរិក។ លោកបន្ថែមថា “ដូចដែលខ្ញុំតែងតែធ្វើ ខ្ញុំបានលើកឡើងប្រធានបទសំខាន់ នៃការគោរពសិទ្ធិមនុស្ស និងតួនាទីសំខាន់ដែលសង្គមស៊ីវិល និងសេរីភាពសារព័ត៌មាន ដើរតួនាទីក្នុងការកសាងប្រទេសដ៏រឹងមាំ និងវិបុលភាពជាមួយលោក Modi”។
ក្រោយមក ប្រធានាធិបតីអាមេរិក បានចាកចេញពីប្រទេសឥណ្ឌា មុនកិច្ចប្រជុំកំពូលត្រូវបញ្ចប់ដើម្បីធ្វើដំណើរទៅកាន់ប្រទេសវៀតណាម។
កិច្ចប្រជុំកំពូល G20 បានបញ្ចប់ទៅដោយមានសេចក្តីថ្លែងការណ៍រួមមួយ ដែលលើកឡើងពីប្រធានបទដ៏ចម្រូងចម្រាសនៃសង្គ្រាមនៅអ៊ុយក្រែន ប៉ុន្តែវាត្រូវបានអនុម័តជាឯកច្ឆ័ន្ទ។
ស្របពេលជាមួយគ្នានោះ មេដឹកនាំពិភពលោកជាច្រើន បានសរសើរលោក Modi បន្ទាប់ពីប្រទេសឥណ្ឌា ក្នុងនាមជាប្រធាន G20 បានព្យាយាមចរចាឲ្យកិច្ចព្រមព្រៀងមួយ លេចចេញជារូបរាងបាន៕
ប្រែសម្រួល៖ Vann Vann
ប្រភព៖ BBC
ចុចអាន៖ លោក Biden កំពុងធ្វើសន្និសីទកាសែតនៅវៀតណាម ស្រាប់តែជំនួយការ បិទបញ្ចប់ពាក់កណ្តាលទី មិនឲ្យឆ្លើយសំណួរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង