ព័ត៌មានអន្ដរជាតិ
លោក Biden កំពុងធ្វើសន្និសីទកាសែតនៅវៀតណាម ស្រាប់តែជំនួយការ បិទបញ្ចប់ពាក់កណ្តាលទី មិនឲ្យឆ្លើយសំណួរ
ពេលដែលប្រធានាធិបតីអាមេរិកលោក Joe Biden កំពុងថ្លែងក្នុងសន្និសីទកាសែតនៅទីក្រុងហាណូយ លោកបានលើកឡើងអំពី “ពិភពលោកទីបី” និងកិច្ចសន្ទនារបស់គាត់ជាមួយនាយករដ្ឋមន្រ្តីចិន Li Qiang ស្រាប់តែនិយាយបានពាក់កណ្តាលទី ក៏ត្រូវអ្នកនាំពាក្យសេតវិមានលោកស្រី Karine Jean-Pierre បិទបញ្ចប់សន្និសីទនោះតែម្តង។
លោក Biden បានឆ្លើយសំណួរពីអ្នកសារព័ត៌មាន ពេលកំពុងបំពេញទស្សនកិច្ចទៅកាន់រដ្ឋធានីរបស់ប្រទេសវៀតណាម។ ក្នុងសំណួរទាំងនោះ រួមមានទាំងអំពីកិច្ចពិភាក្សារបស់គាត់ជាមួយលោក Li ក្នុងកិច្ចប្រជុំកំពូល G20 នៅប្រទេសឥណ្ឌាកាលពីថ្ងៃសៅរ៍ទី៩ខែកញ្ញាផងដែរ។
លោក Biden និយាយថា “វាមិនមែនជាការប្រឈមមុខដាក់គ្នាទាល់តែសោះ។ យើងបាននិយាយអំពីការធ្វើឲ្យប្រាកដថា ពិភពលោកទីបី, អឌ្ឍគោលខាងត្បូងមានសិទ្ធិផ្លាស់ប្តូរ”។
ទោះបីជាយ៉ាងណាក៏ដោយ នៅពេលលោក Biden បន្តនិយាយ លោកស្រី Jean-Pierre បានប្រកាសថា “សូមបិទបញ្ចប់សន្និសីទសារព័ត៌មាន”។ ក្រោយពីព្យាយាមឆ្លើយសំណួរមួយទៀត លោក Biden ក៏បានងាកក្រោយ ហើយដើរចេញពីឆាកតែម្តង។
ជាធម្មតា សន្និសីទសារព័ត៌មានរបស់ Biden ត្រូវបានគ្រប់គ្រងយ៉ាងតឹងរ៉ឹងដោយជំនួយការរបស់គាត់។
ដំណើរទស្សនកិច្ចរបស់លោក Biden ទៅកាន់ប្រទេសវៀតណាម បានកើតឡើងខណៈសហរដ្ឋអាមេរិក ព្យាយាមពង្រឹងទំនាក់ទំនងរបស់ខ្លួនជាមួយប្រទេសអាស៊ីបន្ថែមទៀត ក្នុងបំណងទប់ទល់ឥទ្ធិពលរបស់ចិនក្នុងតំបន់។
កាលពីថ្ងៃអាទិត្យ លោក Biden និងអគ្គលេខាបក្សវៀតណាម លោក Nguyen Phu Trong បានប្រកាសកិច្ចព្រមព្រៀងពាណិជ្ជកម្ម និងវិនិយោគទ្វេភាគី ដែលរួមមានទាំងវិធានការជំរុញការផលិត និងស្រាវជ្រាវ semiconductor នៅវៀតណាមផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ តើប្រធានាធិបតីអាមេរិក រូបណា ធ្វើទស្សនកិច្ចវៀតណាម មុនគេ ចាប់តាំងប្រទេសទាំង២ ភ្ជាប់ចំណងការទូត?
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង