ព័ត៌មានអន្ដរជាតិ
កាលប្រជុំ G20 នាយករដ្ឋមន្ត្រី ចិន មិននិយាយអ្វីច្រើនជាមួយលោក Biden ឡើយ
នាយករដ្ឋមន្ត្រីចិនលោក Li Qiang បានប្រាប់ប្រធានាធិបតីសហរដ្ឋអាមេរិកលោក Joe Biden ក្នុងកិច្ចប្រជុំកំពូល G20 នៅប្រទេសឥណ្ឌាយ៉ាងខ្លីថា “ប្រទេសទាំងពីរគួរតែបង្កើនការផ្លាស់ប្តូរ” ។
យោងតាមលោកស្រី Mao Ning អ្នកនាំពាក្យក្រសួងការបរទេសចិនបានឲ្យដឹងថា លោក Li មាន “ការសន្ទនាខ្លីមួយ” ជាមួយប្រធានាធិបតីសហរដ្ឋអាមេរិក នៅខាងក្រៅកិច្ចប្រជុំកំពូលរយៈពេល ២ ថ្ងៃនៅទីក្រុងញូវដែលីដែលបានបញ្ចប់កាលពីថ្ងៃអាទិត្យ ។
លោក Li បានប្រាប់លោក Biden ថា ការអភិវឌ្ឍន៍របស់ប្រទេសចិនគឺជា “ឱកាស” សម្រាប់រដ្ឋាភិបាលទីក្រុងវ៉ាស៊ីនតោន ហើយ “មិនមែនជាបញ្ហាប្រឈមរវាងប្រទេសទាំងពីរនោះទេ” ។
ស្របពេលជាមួយគ្នានេះលោកស្រី Mao Ning បានប្រាប់អ្នកយកព័ត៌មាននៅទីក្រុងប៉េកាំងទៀតថា “ប្រធានាធិបតី Biden ក៏បានលើកឡើងផងដែរថា សហរដ្ឋអាមេរិកសង្ឃឹមនឹងឃើញសេដ្ឋកិច្ចរបស់ប្រទេសចិនរីកចម្រើន ហើយនឹងមិនធ្វើឲ្យប៉ះពាល់ដល់កំណើនរបស់ខ្លួនឡើយ” ។
គួរបញ្ជាក់ថា សេចក្តីថ្លែងការណ៍របស់ទីក្រុងប៉េកាំងបានធ្វើឡើង បន្ទាប់ពីលោក Biden បានប្រាប់សន្និសីទសារព័ត៌មានក្នុងប្រទេសវៀតណាមកាលពីថ្ងៃអាទិត្យថា លោកបានជួបជាមួយបងធំទី ២ របស់ចិនគឺលោក Li Qiang ក្នុងអំឡុងដំណើរទស្សនកិច្ចរបស់លោកទៅកាន់ប្រទេសឥណ្ឌាដើម្បីចូលរួមកិច្ចប្រជុំកំពូល G20 ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ តើលោក Joe Biden អញ្ជើញជួបថ្នាក់ដឹកនាំកំពូលៗរូបណាខ្លះ ពេលបំពេញ ទស្សនកិច្ចនៅ វៀតណាម?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង