ព័ត៌មានអន្ដរជាតិ
ប៉ូលិសកូរ៉េខាងត្បូង ឆ្មក់ចូលបន្ទាយទ័ព ករណីទាហានអាមេរិក រត់ពន្ធនិងប្រើប្រាស់គ្រឿងញៀន
ប៉ូលិសកូរ៉េខាងត្បូង កំពុងស៊ើបអង្កេតទាហានអាមេរិកចំនួន១៧នាក់ និងមនុស្ស៥នាក់ផ្សេងទៀត ពាក់ព័ន្ធការចោទប្រកាន់ថា ពួកគេបានប្រើប្រាស់និងរត់ពន្ធគ្រឿងញៀន តាមរយៈសេវាប្រៃសណីយ៍យោធា ហើយគ្រឿងញៀននោះគឺជា កញ្ឆាសំយោគ។

រឿងនេះកើតឡើង បន្ទាប់ពីការវាយឆ្មក់នៅមូលដ្ឋានទ័ពអាមេរិក យ៉ាងហោចណាស់ពីរលើក ក្នុងខែឧសភា រួមទាំងនៅ Camp Humphreys ដែលជាមូលដ្ឋានបរទេសធំបំផុតរបស់ខ្លួន ផងដែរ។
ជនជាតិហ្វីលីពីនម្នាក់ និងកូរ៉េខាងត្បូងម្នាក់ ត្រូវបានចាប់ខ្លួន ខណៈរដ្ឋអាជ្ញា កំពុងពិនិត្យមើលសំណុំរឿងប្រឆាំងនឹងជនសង្ស័យទាំង២២នាក់។
ការវាយឆ្មក់នេះ ក៏កើតឡើងផងដែរ ក្រោយការឲ្យតម្រុយពីកងកម្លាំងអនុវត្តរបស់កងទ័ពអាមេរិក បានជំរុញអាជ្ញាធរកូរ៉េខាងត្បូង បើកការស៊ើបអង្កេតអស់រយៈពេល៤ខែ។
ការឆ្មក់ចូលរួមគ្នារបស់ប៉ូលិសកូរ៉េខាងត្បូង និងផ្នែកស៊ើបអង្កេតឧក្រិដ្ឋកម្មរបស់កងទ័ពសហរដ្ឋអាមេរិក បានរកឃើញកញ្ឆាសំយោគចំនួន ៧៧ ក្រាម, សារធាតុរាវចម្រុះជាង៤គីឡូក្រាមដែលប្រើសម្រាប់ជក់ និងប្រាក់សរុប១២៨៥០ដុល្លារ នៅផ្ទះជនសង្ស័យទាំង២២នាក់។

ក្នុងចំណោមពួកគេទាំងអស់ មាន៧នាក់ (ក្នុងនោះមានទាហាន៥នាក់) ត្រូវបានគេគិតថា ជាប់ពាក់ព័ន្ធក្នុងការលក់គ្រឿងញៀន, ១២នាក់ជាអ្នកប្រើប្រាស់ និង៣នាក់ជាឈ្មួញកណ្តាល។ ប៉ូលិសប្រាប់ BBC ថា ប្រពន្ធរបស់ទាហានម្នាក់ និងគូដណ្តឹងរបស់ទាហានម្នាក់ទៀត ក៏ជាប់ពាក់ព័ន្ធផងដែរ។
យោងតាមប៉ូលិស, ទាហានទាំង១៧នាក់ បច្ចុប្បន្នកំពុងឈរជើងនៅបន្ទាយ Camp Humphreys ចម្ងាយប្រហែល ៤៨ គីឡូម៉ែត្រ ភាគខាងត្បូងរដ្ឋធានីសេអ៊ូល និងនៅ Camp Casey ដែលជាមូលដ្ឋានកងទ័ព ចម្ងាយប្រហែល៤០គីឡូម៉ែត្រភាគខាងជើងទីក្រុងសេអ៊ូល៕
ប្រែសម្រួល៖ Vann Vann
ប្រភព៖ BBC
ចុចអាន៖ ប្រភពទម្លាយថា ទាហានអាមេរិក កំពុងឈរជើងនៅអ៊ុយក្រែន តាមដានការដឹកជញ្ជូនអាវុធ

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៧ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី