ព័ត៌មានអន្ដរជាតិ
ប្រភពទម្លាយថា ទាហានអាមេរិក កំពុងឈរជើងនៅអ៊ុយក្រែន តាមដានការដឹកជញ្ជូនអាវុធ (មានវីដេអូ)
មន្ត្រីមន្ទីរបញ្ចកោណម្នាក់ បានប្រាប់ប្រព័ន្ធផ្សព្វផ្សាយអាមេរិកជាច្រើន កាលពីថ្ងៃអង្គារទី០១ខែវិច្ឆិកាថា ទាហានអាមេរិក កំពុងឈរជើងនៅក្នុងទឹកដីអ៊ុយក្រែន ជាកន្លែងដែលពួកគេកំពុងតាមដានការបញ្ជូនអាវុធរបស់អង្គការណាតូទៅកាន់ប្រទេសនេះ។ ទោះបីជាយ៉ាងណាក៏ដោយ មិនមានការបញ្ជាក់ទេថាតើទាហានអាមេរិក មានប៉ុន្មាននាក់ ឬឈរជើងនៅទីណា។
ថ្លែងទៅកាន់សារព័ត៌មាន Associated Press, NBC News និងអង្គភាពសារព័ត៌មានមន្ទីរបញ្ចកោណផ្សេងទៀត មន្ត្រីរូបនេះបាននិយាយថា ទាហានដែលឈរជើងទាំងនោះ គឺដឹកនាំដោយឧត្តមសេនីយ៍ត្រី Garrick Harmon ដែលជាអនុព័ន្ធការពារជាតិអាមេរិកប្រចាំទីក្រុងកៀវ។
មន្ត្រីដដែលបានប្រាប់អ្នកយកព័ត៌មានថា “មានការចុះត្រួតពិនិត្យជាច្រើនដង។ ការត្រួតពិនិត្យមិនបានកើតឡើងនៅជិតសមរភូមិជួរមុខទេ ប៉ុន្តែជាកន្លែងដែលលក្ខខណ្ឌសន្តិសុខត្រូវបានអនុញ្ញាត”។
សហរដ្ឋអាមេរិក បានត្រួតពិនិត្យការដឹកជញ្ជូនអាវុធរបស់ខ្លួនទៅកាន់អ៊ុយក្រែន មុនពេលរុស្ស៊ីចាប់ផ្តើមប្រតិបត្តិការយោធារបស់ខ្លួនក្នុងខែកុម្ភៈ ប៉ុន្តែបានដកបុគ្គលិកចេញពីប្រទេសអ៊ុយក្រែនវិញ ប៉ុន្មានថ្ងៃមុនពេលផ្ទុះជម្លោះ។ យ៉ាងណាក្តី គេក៏មិនច្បាស់ដែរថា មានទាហានប៉ុន្មាននាក់ដែលបានវិលត្រលប់មកវិញ ឬពេលណាដែលការត្រួតពិនិត្យ ចាប់ផ្តើមសាជាថ្មី។
ក្រសួងការបរទេសសហរដ្ឋអាមេរិកបានប្រកាសកាលពីសប្តាហ៍មុនថា ខ្លួននឹងបែងចែក បុគ្គលិកដើម្បីទៅជួយដល់រដ្ឋាភិបាលអ៊ុយក្រែនក្នុងការដោះស្រាយ ជំនួយសន្តិសុខរបស់សហរដ្ឋអាមេរិក។ ផែនការនេះត្រូវបានប្រកាស បន្ទាប់ពីមានរបាយការណ៍ពីចារកម្មអាមេរិកថា ទីក្រុងវ៉ាស៊ីនតោនមិនអាចតាមដានអាវុធដែលខ្លួនបញ្ជូនទៅកាន់ប្រទេសអ៊ុយក្រែន បាននោះទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អង់គ្លេស ព្រមាន រុស្ស៊ី ថា នឹងជួបផលវិបាកធ្ងន់ធ្ងរ បើហ៊ានប្រើនុយក្លេអ៊ែរនៅ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង