អ៊ីស្រាអែល រកឃើញសាកសព២៦០នាក់ ស្លាប់រដូករណែលនៅកន្លែងរៀបចំពិធីបុណ្យតន្ត្រី

សេវាសង្គ្រោះអ៊ីស្រាអែល Zika និយាយថា សាកសពចំនួន២៦០នាក់ ត្រូវបានរកឃើញនៅរដូករណែលបន្ទាប់ពីក្រុមហាម៉ាស់ កំណត់គោលដៅលើពិធីបុណ្យតន្ត្រីមួយ ក្នុងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលត្រូវបានសម្លាប់នៅក្នុងពិធីបុណ្យ Supernova ជិតតំបន់ Re’im ភាគខាងត្បូងប្រទេសអ៊ីស្រាអែល គឺស្ថិតក្នុងចំណោមមនុស្សស្លាប់ជាង៧០០នាក់ នៅទូទាំងប្រទេស គិតត្រឹមពេលនេះ។

ខ្សែ​វីដេអូ​តាម​ប្រព័ន្ធ​ផ្សព្វផ្សាយ​សង្គម បាន​បង្ហាញ​មនុស្ស​រាំ​រែកនៅ​ល្ងាច​ថ្ងៃ​សុក្រ ​មុន​ការ​វាយ​ប្រហារ​នៅ​ព្រឹក​ថ្ងៃ​សៅរ៍។ បន្ទាប់មក គេឃើញមនុស្សម្នា រត់កាត់វាល ជាមួយនឹងស្នូរកាំភ្លើងបាញ់ពីក្រោយ។

យោងតាមមន្ត្រីអ៊ីស្រាអែល ក្រៅពីអ្នកស្លាប់, មនុស្សចំនួន១៥៩០នាក់ក៏បានរងរបួសផងដែរ ចាប់តាំងពីការលុកលុយ ចាប់ផ្តើមកាលពីថ្ងៃសៅរ៍។

ទន្ទឹមនឹងនោះ នៅតំបន់ហ្គាហ្សា ប្រជាជនប៉ាឡេស្ទីន ៤០០នាក់ ត្រូវបានបញ្ជាក់ថាស្លាប់ និង ២៣០០នាក់រងរបួស។ នេះបើយោងតាមក្រសួងសុខាភិបាល៕

ប្រែសម្រួល៖ Vann Vann

ប្រភព៖ SKY

ចុចអាន៖ ក្រសួងការបរទេស កំពុងបន្តទាក់ទងជាមួយអាជ្ញាធរអ៊ីស្រាអែល ដើម្បីធានាសុវត្ថិភាពនិស្សិតខ្មែរ