Connect with us

ព័ត៌មានអន្ដរជាតិ

អ៊ីស្រាអែល បន្តផ្ដាច់អគ្គិសនី ទឹកប្រើប្រាស់ និងប្រេងឥន្ធនៈដល់តំបន់ ហ្គាហ្សា

បានផុស

នៅ

ក្រសួងមហាផ្ទៃតំបន់ហ្គាហ្សាបាននិយាយកាលពីថ្ងៃអាទិត្យថា អ៊ីស្រាអែលនៅតែបន្តកាត់ផ្តាច់អគ្គិសនី ទឹកប្រើប្រាស់ និងប្រេងឥន្ធនៈ ក៏ដូចជាបិទការផ្គត់ផ្គង់ស្បៀងអាហារមិនឲ្យចូលទៅកាន់តំបន់ហ្គាហ្សា ដែលបណ្តាលឲ្យស្ថានភាពក្នុងតំបន់មួយនេះកាន់តែមហន្តរាយ ស្របពេលដែលមានការទម្លាក់គ្រាប់បែកឥតប្រណីដៃពីសំណាក់អ៊ីស្រាអែល ។

លោក Iyad al-Buzm

លោក Iyad al-Buzm អ្នកនាំពាក្យក្រសួងមហាផ្ទៃបាននិយាយនៅក្នុងសន្និសីទសារព័ត៌មានមួយថា “ប្រទេសអ៊ីស្រាអែលនៅតែបន្តកាត់ផ្តាច់អគ្គិសនី ទឹកស្អាត ប្រេងឥន្ធនៈ ថ្នាំពេទ្យ និងបិទការផ្គត់ផ្គង់ស្បៀងអាហារដល់តំបន់ហ្គាហ្សាស្ទ្រីបដែលកំពុងជួបសង្គ្រាមដ៏កាចសាហាវ និងការសម្លាប់រង្គាល” ។

លោកបានបន្ថែមថា “តំបន់ហ្គាហ្សាត្រូវការប្រេងឥន្ធនៈជាចាំបាច់ដើម្បីបញ្ឆេះម៉ាស៊ីនភ្លើងក្នុងមន្ទីរពេទ្យ ស្ថានីយ៍ចម្រោះទឹក ហាងដុតនំប៉័ង ចាក់រថយន្តសង្គ្រោះបន្ទាន់ និងរថយន្តការពារជនស៊ីវិលជាដើម” ។

ស្របពេលជាមួយគ្នានេះ លោក Al-Buzm ក៏បានបដិសេធចំពោះការចោទប្រកាន់របស់អ៊ីស្រាអែលដែលថា ជំនួយទាំងអស់កំពុងធ្លាក់ទៅដល់ក្រុមហាម៉ាស់ ។ ក្នុងនោះអ្នកនាំពាក្យរូបនេះលើកឡើងថា “ការអះអាងដែលគ្មានមូលដ្ឋាន និងគ្មានន័យទាំងនេះ មិនអាចបោកបញ្ឆោតនរណាម្នាក់បានឡើយ ។ អង្គការអន្តរជាតិដែលកំពុងប្រតិបត្តិការនៅតំបន់ហ្គាហ្សា ទើបជាអ្នកវាយតម្លៃដ៏ត្រឹមត្រូវនៃស្ថានភាពមនុស្សធម៌ដ៏អាក្រក់នៅហ្គាហ្សា” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ លោកក៏បានចោទប្រកាន់អ៊ីស្រាអែលវិញដែរថា កំពុងប្រឌិតរឿង និងភូតកុហកដើម្បីបង្ហាញអំពីភាពត្រឹមត្រូវនៃឧក្រិដ្ឋកម្មរបស់ខ្លួនប្រឆាំងនឹងប្រជាជនរបស់យើង ។ ពេលខ្លះពួកគេអះអាងថា ប្រេងឥន្ធនៈ និងជំនួយធ្លាក់ទៅដល់ដៃក្រុមហាម៉ាស់ ហើយជួនកាលពួកគេចោទប្រកាន់ថា ក្រុមអ្នកតស៊ូកំពុងប្រើស្ថាប័នថែទាំសុខភាព និងមន្ទីរពេទ្យដើម្បីជាលេសក្នុងការវាយប្រហារណាមួយ ។

ជាចុងក្រោយ លោក Al-Buzm បានជំរុញឲ្យប្រទេសអេហ្ស៊ីបធ្វើការសម្រេចចិត្តជាប្រវត្តិសាស្ត្រ និងរក្សាជំហរលើបុព្វហេតុអារ៉ាប់ និងមនុស្សធម៌ដើម្បីបើកច្រក Rafah សម្រាប់នាំជំនួយមនុស្សធម៌ និងដើម្បីបញ្ឈប់គ្រោះមហន្តរាយដែលកំពុងកើនឡើងនៅក្នុងតំបន់ហ្គាហ្សាផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ រុស្ស៊ី កំពុងបញ្ចុះបញ្ចូល អ៊ីស្រាអែល ឲ្យបោះបង់យុទ្ធសាស្ត្រ “សម្លាប់រង្គាល” នៅតំបន់ហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម