Connect with us

ព័ត៌មានអន្ដរជាតិ

មកដឹងពីទម្ងន់គ្រាប់បែកសរុបដែល អ៊ីស្រាអែល ទម្លាក់លើតំបន់ហ្គាហ្សា

បានផុស

នៅ

ចាប់តាំងពីផ្ទុះការប្រយុទ្ធគ្នាមិនធ្លាប់មានពីមុនមកកាលពីថ្ងៃ៧ ខែតុលា កងទ័ពអ៊ីស្រាអែលបានទម្លាក់គ្រាប់បែកប្រមាណ ១៨,០០០ តោនទៅលើតំបន់ហ្គាហ្សាស្ទ្រីប ឬប្រហែល ១.៥ ដងនៃកម្លាំងផ្ទុះរបស់គ្រាប់បែកដែលទម្លាក់លើទីក្រុងហ៊ីរ៉ូស៊ីម៉ាប្រទេសជប៉ុន ក្នុងអំឡុងសង្គ្រាមលោកលើកទី ២ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់អ្នកសារព័ត៌មាន លោក Salama Marouf ប្រធានការិយាល័យប្រព័ន្ធផ្សព្វផ្សាយរបស់រដ្ឋាភិបាលប៉ាឡេស្ទីនបាននិយាយថា ក្នុងការទម្លាក់គ្រាប់បែកមិនប្រណីដៃពីសំណាក់កងកម្លាំងអ៊ីស្រាអែលនោះ បានបំផ្លាញហេដ្ឋារចនាសម្ព័ន្ធស្ទើរតែគ្មានសល់ រួមទាំងអគាររដ្ឋាភិបាលនៅតំបន់ហ្គាហ្សាចំនួន ៨៥ ខ្នងផងដែរ ។

ទន្ទឹមនោះ អ៊ីស្រាអែលក៏បានកម្ទេចវិហារឥស្លាមចំនួន ៤៧ កន្លែង និងបានបង្កការខូចខាតយ៉ាងដំណុំដល់ព្រះវិហារធំៗចំនួន ៣ ផងដែរ ។ បន្ថែមពីនេះ ក្នុងការវាយប្រហារទាំងនោះក៏បំផ្លិចបំផ្លាញអគារជាង ២០ ម៉ឺនខ្នង ដែលក្នុងនោះ ៣២,៥០០ ខ្នងមិនអាចឲ្យពលរដ្ឋបន្ត ឬជួសជុលរស់នៅបានឡើយ ។

ស្របពេលជាមួយគ្នានេះ គ្រាប់បែកប្រមាណ ១៨,០០០ តោនដែលអ៊ីស្រាអែលទម្លាក់មកដោយគ្មានសំចៃនេះ ក៏បានកម្ទេចសាលារៀនចំនួន ២០៣ ខ្នងឲ្យខូចខាតយ៉ាងធ្ងន់ធ្ងរផងដែរ ខណៈបច្ចុប្បន្នសាលារៀនចំនួន ៤៥ ខ្នង មិនអាចបើកទ្វារបង្រៀនសិស្សនោះទេ ហើយដោយសារតែការទម្លាក់គ្រាប់បែកនៅតែបន្តស្រោចដូចទឹកភ្លៀង ដូច្នេះស្ថិតិទាំងនេះនឹងមានការកើនឡើងបន្ថែមទៀត ។

ពាក់ព័ន្ធនឹងបញ្ហានេះដែរ នៅក្រោមអនុសញ្ញាទីក្រុងហ្សឺណែវ ការទម្លាក់គ្រាប់បែក ក៏ដូចជាការវាយប្រហារណាមួយទៅលើទីកន្លែងគោរពបូជា សាលារៀន និងសំណង់ស៊ីវិលផ្សេងទៀត គឺត្រូវបានហាមឃាត់ ខណៈខាងអ៊ីស្រាអែល​បាន​អះអាង​ថា ការវាយប្រហារទាំងនេះ គឺសំដៅទៅលើក្រុមប្រដាប់ហាម៉ាស់ ដោយសារតែក្រុមប្រដាប់អាវុធទាំងកំពុង​ជ្រកកោន​នៅ​ក្នុង ឬ​ជុំវិញ​អគារ​ទាំងនេះ ។

គួរបញ្ជាក់ថា រហូតមកដល់ពេលនេះ ជនជាតិប៉ាឡេស្ទីនជិត ៨,៨០០ នាក់ហើយត្រូវបានសម្លាប់ ក្នុងនោះមានជាង ៣,០០០ នាក់នៅភាគខាងត្បូងនៃតំបន់ហ្គាហ្សា ខណៈតួលេខដ៏គួរឲ្យភ្ញាក់ផ្អើលទាំងនេះនឹងនៅតែបន្តកើនឡើងរៀងរាល់នាទី ប្រសិនបើកងកម្លាំងអ៊ីស្រាអែលមិនព្រមបញ្ឈប់ការវាយលុកប្រឆាំងនឹងប្រជាជនប៉ាឡេស្ទីនទេនោះ ។

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ បេសកជន ប៉ាឡេស្ទីន ប្រចាំ UN ៖ “ឥឡូវនេះតំបន់ហ្គាហ្សាជាឋាននរកនៅ​លើផែនដី”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម