ឥណ្ឌា ដាក់សត្វឃ្មុំនៅតាមរបងព្រំដែន ទុកទិចអ្នករត់ពន្ធ

កងកម្លាំងសន្តិសុខព្រំដែនឥណ្ឌា (BSF) បានដាក់សម្បុកឃ្មុំនៅតាមបណ្តោយព្រំដែនប្រវែង ៤០៩៦គីឡូម៉ែត្ររបស់ខ្លួនជាប់ប្រទេសបង់ក្លាដែស ដើម្បីទប់ស្កាត់ការរត់ពន្ធសត្វគោក្របីនិងឧក្រិដ្ឋកម្មផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីម្នាក់ប្រាប់ទីភ្នាក់ងារសារព័ត៌មាន PTI ថា សម្បុកឃ្មុំ ត្រូវបានដាក់នៅលើរបងព្រំដែន ក្នុងតំបន់នៃរដ្ឋ West Bengal ដែលទីនោះជាកន្លែងងាយនឹងមានការរត់ពន្ធ។ គំនិតផ្តួចផ្តើមនេះ គឺចេញពីកងវរសេនាតូចលេខ៣២របស់ BSF។

រដ្ឋាភិបាលឥណ្ឌា ចាត់ទុកឧក្រិដ្ឋកម្មឆ្លងដែន និងអន្តោប្រវេសន៍ខុសច្បាប់នៅតាមព្រំដែនជាមួយបង់ក្លាដែស ជាបញ្ហាចម្បង ខណៈការរត់ពន្ធសត្វពាហនៈ មាស ប្រាក់ និងគ្រឿងញៀនកំពុងកើតឡើងយ៉ាងគំហុកនៅ រដ្ឋ West Bengal។

មន្ត្រីដដែល​​បន្ថែម​ថា ពីមុន ឧក្រិដ្ឋជន​តែងតែធ្វើសកម្មភាពតាមរបង ​ដោយ​កាត់ ឬ​ប៉ុនប៉ង​កាត់របង​ ហើយឥឡូវ បើពួកគេហ៊ានធ្វើដូច្នេះទៀត សត្វឃ្មុំនឹងទិចពួកគេ។

នៅពេលនេះ មន្ត្រី BSF បានព្រមានខ្លាំងៗថា ការវាយប្រហារពីហ្វូងឃ្មុំអាច បង្កជារបួសធ្ងន់ធ្ងរ បើនរណាម្នាក់ប៉ុនប៉ងឆ្លងដែនដោយខុសច្បាប់៕

ប្រែសម្រួល៖ Vann Vann

ប្រភព៖ RT

ចុចអាន៖ សត្វ ឃ្មុំ ៦ម៉ឺនក្បាលទុំជុំវិញ Angelina Jolie ក្នុង គម្រោង ផ្ដួចផ្ដើម Women for Bees