ព័ត៌មានអន្ដរជាតិ
អាមេរិក ថា ទាហានស៊ីឈ្នួល រុស្ស៊ី ផ្ដល់ប្រព័ន្ធខែលការពារដែនអាកាសដល់ក្រុមហេសបូឡា និងអ៊ីរ៉ង់
អ្នកនាំពាក្យក្រុមប្រឹក្សាសន្តិសុខជាតិរបស់សេតវិមានលោក John Kirby បាននិយាយកាលពីថ្ងៃអង្គារថា ក្រុមទាហានស៊ីឈ្នួលរុស្ស៊ី Wagner Group កំពុងត្រៀមរៀបចំផ្ដល់ប្រព័ន្ធខែលការពារដែនអាកាសទៅឲ្យប្រទេសអ៊ីរ៉ង់ និងក្រុមប្រដាប់អាវុធហេសបូឡារបស់លីបង់ ។
លោក John Kirby បានប្រាប់អ្នកសារព័ត៌មាន ក្នុងអំឡុងពេលសិក្ខាសាលាមួយថា “ក្រុមទាហានស៊ីឈ្នួល Wagner Group តាមបញ្ជារបស់រដ្ឋាភិបាលរុស្ស៊ី កំពុងរៀបចំផ្តល់សមត្ថភាពការពារដែនអាកាសដល់ក្រុមហេសបូឡា ឬអ៊ីរ៉ង់ ហើយអាមេរិកក៏នឹងតាមដានយ៉ាងដិតដល់នូវរាល់សកម្មភាពផ្ទេរសម្ភារៈយោធាណាមួយ ក៏ដូចជាឆ្លើយតបជាមួយនឹងការដាក់ទណ្ឌកម្មផងដែរ” ។
អ្នកនាំពាក្យរូបនេះបានលើកឡើងថា “យើងពិតជាបានត្រៀមខ្លួនរួចរាល់អស់ហើយក្នុងការប្រើប្រាស់អាជ្ញាធរទណ្ឌកម្មប្រឆាំងអំពើភេរវកម្មរបស់យើង ដើម្បីប្រឆាំងនឹងបុគ្គល ឬអង្គភាពរបស់រុស្ស៊ី ក្នុងគោលបំណងបង្អាក់សកម្មភាពផ្ទេរដោយខុសច្បាប់ទាំងនេះមិនឲ្យកើតមានឡើងឡើយ” ។
លោក Kirby ក៏បាននិយាយផងដែរថា អ៊ីរ៉ង់ក៏នឹងប្រឈមមុខការដាក់ទណ្ឌកម្មបន្ថែមទៀតផងដែរ សម្រាប់កិច្ចគាំទ្ររបស់ខ្លួនក្នុងសង្គ្រាមរបស់រុស្ស៊ីលើអ៊ុយក្រែន ព្រោះវាបង្ហាញឲ្យឃើញថា រដ្ឋាភិបាលទីក្រុងតេហេរ៉ង់កំពុងពង្រីកភាពជាដៃគូយោធាជាមួយសម្ព័ន្ធមិត្តរបស់ខ្លួន ។
ទន្ទឹមនោះ លោកបានព្រមានថា “ទំនាក់ទំនងការពារជាតិដែលកំពុងពង្រីកខ្លួនរវាងអ៊ីរ៉ង់ និងរុស្ស៊ី គឺមិនល្អនោះទេ ទាំងសម្រាប់ពលរដ្ឋក្នុងប្រទេសអ៊ុយក្រែន និងនៅតំបន់មជ្ឈិមបូព៌ា ជាពិសេសការផ្ដល់គ្រាប់បែកទម្លាក់ពីលើអាកាស និងគ្រាប់កាំភ្លើងធំរបស់អ៊ីរ៉ង់ទៅឲ្យរុស្ស៊ីសម្រាប់ប្រើប្រាស់ក្នុងសមរភូមិប្រយុទ្ធនៅអ៊ុយក្រែន” ។
ជាចុងក្រោយ អ្នកនាំពាក្យរូបនេះបានបញ្ជាក់ថា “ជាថ្នូរនឹងកិច្ចគាំទ្រនោះ រុស្ស៊ីបាននឹងកំពុងផ្តល់កិច្ចសហប្រតិបត្តិការលើវិស័យការពារជាតិដែលមិនធ្លាប់មានពីមុនមកដល់រដ្ឋាភិបាលទីក្រុងតេហេរ៉ង់ រួមទាំងលើវិស័យអេឡិចត្រូនិក កាំជ្រួចមីស៊ីល និងប្រព័ន្ធខែលការការពារដែនអាកាសផងដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ អ៊ីស្រាអែល ទម្លាក់គ្រាប់បែកគីមីផូស្វ័រមិនប្រណីដៃលើទីក្រុងព្រំដែនភាគខាង ត្បូង លីបង់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង