ព័ត៌មានអន្ដរជាតិ
លោក ពូទីន ប្រាប់ពីសត្រូវពិតរបស់រុស្ស៊ី តែមិនមែនជាអ៊ុយក្រែន
លោក វ្ល៉ាឌីមៀរ ពូទីន បាននិយាយកាលពីថ្ងៃចន្ទទី១ខែមករាថា អ៊ុយក្រែន គ្រាន់តែជាឧបករណ៍របស់លោកខាងលិច ដែលប្រើប្រាស់ដើម្បីប្រយុទ្ធប្រឆាំងនឹងប្រទេសរុស្ស៊ីប៉ុណ្ណោះ។ តាមពិតទៅ អ៊ុយក្រែន មិនមែនជាសត្រូវរបស់រុស្ស៊ីឡើយ តែក្រុមឥស្សរជនលោកខាងលិចឯណោះទេ ទើបជាសត្រូវពិត របស់ទីក្រុងមូស្គូ។
ថ្លែងក្នុងមន្ទីរពេទ្យយោធាអំឡុងពេលចុះសួរសុខទុក្ខទាហានដែលរងរបួស លោកពូទីន បញ្ជាក់ថា “រឿងគឺថា ពួកគេមិនមែនកំពុងជួយសត្រូវរបស់យើងទេ ប៉ុន្តែពួកគេនោះ ទើបជាសត្រូវរបស់យើងពិត។ ពួកគេកំពុងខ្ចីដៃអ៊ុយក្រែន ដើម្បីដោះស្រាយបញ្ហាផ្ទាល់ខ្លួន ហើយនោះជាអ្វីដែលកំពុងកើតឡើង”។
លោកលើកឡើងថា “ជម្លោះរវាងក្រុងមូស្គូ និងទីក្រុងកៀវ ត្រូវបានរៀបចំឡើងដោយឥស្សរជនបស្ចិមប្រទេសដែលចង់កម្ចាត់រុស្ស៊ី។ ទោះបីជាយ៉ាងណាក៏ដោយ ក្រុមលោកខាងលិចមិនអាចសម្រេចគោលដៅរបស់ខ្លួនបានទេ ពួកគេទទួលបរាជ័យរួចទៅហើយដូចយើងឃើញស្រាប់។ និយាយទៅ យើងក៏ចង់បញ្ចប់ជម្លោះដែរ ហើយចង់បញ្ចប់ឲ្យបានលឿនបំផុតតាមដែលអាចធ្វើទៅបាន ប៉ុន្តែក៏ត្រូវតែតាមលក្ខខណ្ឌរបស់យើងដែរ”។
ការបញ្ជាក់របស់លោកពូទីនកើតឡើង ចំពេលប្រធានាធិបតីរូបនេះ ប្រកាសក្តែងៗថា រុស្ស៊ី នឹងវាយប្រហារអ៊ុយក្រែន ឲ្យខ្លាំងជាងមុនទៅទៀត។
តាមការអះអាងពីលោកពូទីន, ការវាយប្រហារចុងសប្តាហ៍របស់អ៊ុយក្រែន ទៅលើទីក្រុង Belgorod របស់រុស្ស៊ី ដែលបណ្តាលឲ្យជនស៊ីវិលរាប់សិបនាក់ស្លាប់និងរងរបួស គឺជាអំពើភេរវកម្ម។ លោកក៏ព្រមានដែរថា ទីក្រុងកៀវ នឹងមិនរួចខ្លួនទេចំពោះទង្វើបែបនេះ។ យ៉ាងណា ទីក្រុងមូស្គូ នឹងមិនសងសឹកដោយការវាយប្រហារគ្មានរើសអើងលើជនស៊ីវិលឡើយ ប៉ុន្តែខ្លួននឹងផ្តោតលើទីតាំងយោធារបស់អ៊ុយក្រែនជំនួសវិញ។
យោងតាមការប៉ាន់ស្មានចុងក្រោយរបស់រុស្ស៊ី ទាហានអ៊ុយក្រែនជាង៣៨០០០០នាក់ត្រូវបានសម្លាប់ឬរងរបួសក្នុងជម្លោះនេះ។ អ៊ុយក្រែនក៏បាត់បង់គ្រឿងសឹក យ៉ាងធ្ងន់ធ្ងរផងដែរ ខណៈរថក្រោះប្រមាណ ១៤០០០ គ្រឿង និងរថពាសដែកផ្សេងទៀត ត្រូវបានបំផ្លាញ។
ដោយឡែក ទីក្រុងមូស្គូអះអាងថា ខ្លួនបាត់បង់កងទ័ពជិត១៦០០០០នាក់ បន្ទាប់ពីទីក្រុងកៀវ បើកប្រតិបត្តិការវាយបកទ្រង់ទ្រាយធំ កាលពីដើមខែមិថុនាឆ្នាំមុន៕
ប្រែសម្រួល៖ Vann Vann
ប្រភព៖ RT
ចុចអាន៖ ចូលឆ្នាំថ្មី លោក ពូទីន ប្រកាសវាយអ៊ុយក្រែន ខ្លាំងជាងមុន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ