Connect with us

ព័ត៌មានអន្ដរជាតិ

មេទ័ពអង់គ្លេស ប្រាប់ឲ្យរដ្ឋាភិបាលបំពាក់បំប៉នពលរដ្ឋ ត្រៀមធ្វើសង្គ្រាមជាមួយ រុស្ស៊ី

បានផុស

នៅ

ប្រធានអគ្គសេនាធិការចក្រភពអង់គ្លេស លោក Patrick Sanders បាននិយាយកាលពីដើមសប្តាហ៍ថា រដ្ឋាភិបាលគួរបណ្តុះបណ្តាលនិងបំពាក់បំប៉នជនស៊ីវិល ដើម្បីត្រៀមខ្លួនចូលបម្រើក្នុងជួរកងទ័ព ករណីមានការកែនយកទៅប្រយុទ្ធជាមួយរុស្ស៊ី។ នេះបើតាមការផ្សាយរបស់ Daily Mail។

ប្រធានអគ្គសេនាធិការចក្រភពអង់គ្លេស លោក Patrick Sanders (រូបថត៖ ក្រសួងការពារជាតិអង់គ្លេស)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ព្រមានបែបនេះមិនបានប៉ុន្មានផង​ ស្រាប់តែត្រូវលោកនាយករដ្ឋមន្ត្រី Rishi Sunak ចេញមុខមកស្តីបន្ទោសភ្លាមៗ ហើយអះអាងថា អង់គ្លេស គ្មានផែនការរើសទាហានស្អីទៀតទេ។

ក្នុងសុន្ទរកថា នៅឯសន្និសីទរថពាសដែកអន្តរជាតិនាទីក្រុងឡុងដ៍ លោក Sanders និយាយថា ចក្រភពអង់គ្លេស ត្រូវតែពង្រឹងកម្លាំងទ័ពជាបន្ទាន់ឲ្យបានប្រហែល ១២ម៉ឺននាក់ក្នុងរង្វង់ពេលបីឆ្នាំខាងមុខខណៈបច្ចុប្បន្នពង្រឹងបានមិនដល់៧៦០០០នាក់ផង។

(រូបថត៖ EPA)

ដោយសារតែតួលេខទាបបែបនេះហើយ ទើបលោក Sanders ប្រកាសថា អង់គ្លេសត្រូវតែចាប់ផ្តើមធ្វើកិច្ចការជាតិ ដោយបណ្តុះបណ្តាលនិងបំពាក់បំប៉ន “កងទ័ពប្រជាជន” ដែលអាចប្រយុទ្ធបានក្នុងករណីមានសង្រ្គាមជាមួយរុស្ស៊ី។

មេទ័ពដដែល បានលើកយកប្រទេសស៊ុយអែត ធ្វើជាគំរូដែលចក្រភពអង់គ្លេសគួរធ្វើតាម ដោយលោកកោតសរសើរប្រជាជាតិ Nordic មួយនេះ ព្រោះថាពួកគេមានប្រជាជនត្រឹមតែជាងដប់លាននាក់ប៉ុណ្ណោះ ប៉ុន្តែពួកគេបានដាក់ចេញនូវវិធានការរៀបជើងព្រួល ឲ្យសង្គមជាតិឆ្លើយតបពេលមានសង្គ្រាម។

ការព្រមានខាងលើធ្វើឲ្យគេនឹកឃើញដល់សម្តីរដ្ឋមន្ត្រីការពារជាតិចក្រភពអង់គ្លេស លោក Grant Shapps ដែលប្រកាសដោយចំហថា ពិភពលោកគួរត្រៀមលក្ខណៈព្រោះអំឡុង៥ឆ្នាំនេះ សង្គ្រាមជាសកលនឹងផ្ទុះឡើងរវាងប្រទេសលោកខាងលិច ជាមួយរុស្ស៊ី ចិន អ៊ីរ៉ង់ និងកូរ៉េខាងជើង។

រដ្ឋមន្ត្រីការពារជាតិចក្រភពអង់គ្លេស លោក Grant Shapps (រូបថត៖ AFP)

តាមការចុះផ្សាយរបស់ BBC, លោក Shapps បានអំពាវនាវដល់បណ្តាសម្ព័ន្ធមិត្តរបស់អង់គ្លេស ឲ្យបង្កើនកញ្ចប់ចំណាយយោធារបស់ខ្លួនដើម្បីឆ្លើយតបទៅនឹងការគំរាមកំហែង ដែលកំពុងកើតឡើង ហើយក៏ប្តេជ្ញាបង្កើនការចំណាយផ្នែកយោធារបស់ចក្រភពអង់គ្លេសបន្ថែមទៀត ក៏ដូចជាប្រើប្រាស់ឥទ្ធិពលរបស់ខ្លួនដើម្បីធានាសុវត្ថិភាពជូនសម្ព័ន្ធមិត្តនិងមិត្តភ័ក្តិផ្សេងទៀតផងដែរ។

គិតត្រឹមឆ្នាំ២០២៣ បើបូកសរុបបុគ្គលិកក្នុងជួរកងទ័ពជើងគោក ជើងទឹក និងអាកាសអង់គ្លេស មានចំនួន១៨៤ ៨៦៥នាក់ ដែលនេះជាចំនួនទាបបំផុតចាប់តាំងពីចុងបញ្ចប់នៃសង្គ្រាមណាប៉ូឡេអុងមក។

ផ្ទុយទៅវិញ រុស្ស៊ីមានទាហានសកម្មជាង ១.១លាននាក់ ដោយក្នុងនោះមានប្រហែល ៦១៧០០០នាក់ ដែលបច្ចុប្បន្នកំពុងប្រយុទ្ធនៅអ៊ុយក្រែន៕

អត្ថបទ៖ សុខ សុវណ្ណ

ចុចអាន៖ លោកខាងលិច ព្រមានផ្ទុះសង្គ្រាមជាមួយ ៤ប្រទេស អំឡុង៥ឆ្នាំនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម