Connect with us

ព័ត៌មានអន្ដរជាតិ

ក្រុមហ៊ុនមួយនៅកូរ៉េខាងត្បូង ចំណាយលុយរាប់លានដុល្លារ លើកទឹកចិត្តបុគ្គលិកឱ្យមានកូនច្រើន

បានផុស

នៅ

ដោយសារកំណើនប្រជាជនធ្លាក់ចុះ ដូច្នេះក្រុមហ៊ុនកូរ៉េខាងត្បូងមួយបានត្រៀមខ្លួនរួចជាស្រេចក្នុងការលះបង់ប្រាក់ផ្ទាល់ខ្លួនរាប់លានដុល្លារដើម្បីលើកទឹកចិត្តដល់បុគ្គលិករបស់ខ្លួន ក្នុងពេលសម្រាលកូន ។

យោងតាមប្រភពពី CNN បានឱ្យដឹងថា ក្រុមហ៊ុនខាងលើឈ្មោះ Booyoung Group ជាក្រុមហ៊ុនសំណង់ដែលមានមូលដ្ឋាននៅទីក្រុងសេអ៊ូល ។ ប្រសិនបើបុគ្គលិករបស់ខ្លួមសម្រាលកូន នឹងទទួលបានរង្វាន់ជាប្រាក់ចំនួន ១០០លានវ៉ុន (៧៥.០០០ ដុល្លារ) ក្នុងមួយនាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រុមហ៊ុនខាងលើបានបញ្ជាក់ប្រាប់ CNN ថា ក្រុមហ៊ុនបានត្រៀមសាច់ប្រាក់ចំនួន ៧ពាន់លានវ៉ុន (៥.២៥ លានដុល្លារ) សម្រាប់ផ្ដល់ជូនបុគ្គលិកដែលសម្រាលចំនួន ៧០នាក់ ហើយការលើកទឹកចិត្តនេះ បានចាប់ផ្ដើមអនុវត្តតាំងពីឆ្នាំ ២០២១ រហូតមក ។

កាលពីឆ្នាំ ២០២២ ប្រទេសកូរ៉េខាងត្បូង បានក្លាយជាប្រទេសដែលមានអត្រាប្រជាជនធ្លាក់ខ្លាំងបំផុតលើពិភពលោក ត្រឹមតែ ០.៧៨ភាគរយប៉ុណ្ណោះ ហើយគេរំពឹងថា អាត្រានឹងនៅតែបន្តធ្លាក់មកត្រឹម ០.៦៨ ភាគរយ ក្នុងឆ្នាំ ២០២៥ ។ នេះបើយោងតាមរបាយការណ៍ផ្លូវការពី Statistics Korea ។

លោក Lee Joong-keun ប្រធានក្រុមហ៊ុន Booyoung Group បាននិយាយថា ក្រុមហ៊ុនកំពុងផ្តល់ “ការគាំទ្រផ្នែកហិរញ្ញវត្ថុដោយផ្ទាល់” ដល់បុគ្គលិករបស់ខ្លួន ដើម្បីជួយសម្រាលបន្ទុករូបិយវត្ថុនៃការចិញ្ចឹមកូន។ លោកបានបន្ថែមថា និយោជិតដែលមានកូន ៣នាក់នឹងត្រូវបានផ្តល់ជម្រើសដើម្បីជ្រើសរើសរវាងការទទួលបានសាច់ប្រាក់សុទ្ធចំនួន ៣០០ លានវ៉ុន (២២៥.០០០ ដុល្លារ) ឬជាផ្ទះ ប៉ុន្តែជម្រើសមួយនេះ អាស្រ័យទៅលើ ប្រសិនបើរដ្ឋាភិបាលផ្តល់ដីសម្រាប់ការសាងសង់។

លោក Lee បានប្រាប់និយោជិតរបស់គាត់ថា “ខ្ញុំសង្ឃឹមថាយើងនឹងទទួលបានការទទួលស្គាល់ថា ជាក្រុមហ៊ុនដែលរួមចំណែកក្នុងការលើកទឹកចិត្តដល់ការសម្រាលកូន… និងការព្រួយបារម្ភអំពីអនាគតរបស់ប្រទេស” ។

សូមបញ្ជាក់ថា កន្លងមករដ្ឋាភិបាលកូរ៉េខាងត្បូង និងក្រុមហ៊ុនឯកជនផ្សេងទៀតបានផ្តល់អត្ថប្រយោជន៍ផ្នែកហិរញ្ញវត្ថុ ដើម្បីលើកទឹកចិត្តប្រជាជនរបស់ខ្លួនឱ្យមានកូនកាន់តែច្រើន។ កម្មវិធីស្រដៀងគ្នានេះក៏មាននៅក្នុងប្រទេសចិនផងដែរ ទាក់ទងនឹងអាត្រាធ្លាក់ចុះនៃចំនួនប្រជាជនរបស់ខ្លួនក្នុងរយៈពេលពីរឆ្នាំជាប់គ្នា ៕

ប្រែសម្រួលដោយ÷ ប៉ោ កុសល

ប្រភព÷ CNN

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ព័ត៌មានជាតិ៧ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

ជីវិតកម្សាន្ដ៥ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

កីឡា២៣ ម៉ោង មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ព័ត៌មានជាតិ៦ ថ្ងៃ មុន

អគ្គស្នងការដ្ឋាននគរបាលជាតិ ប្រារព្ធពិធីបំពាក់ឋានន្ដរស័ក្ដិ និងប្រកាសចូលកាន់តំណែង ដល់លោក ហែម សុវត្ថិ

Sokha Hotels

ព័ត៌មានពេញនិយម