Connect with us

ព័ត៌មានអន្ដរជាតិ

អ្នកគ្រប់គ្រងក្រុមហាម៉ាស់ ថានឹងមានមនុស្សស្លាប់ និងរបួសរាប់ម៉ឺននាក់ ប្រសិនបើអ៊ីស្រាអែលវាយទីក្រុង Rafah មែន

បានផុស

នៅ

អ្នកគ្រប់គ្រងក្រុមហាម៉ាស់នៅ Gaza បានព្រមានកាលពីថ្ងៃសៅរ៍ ទី១០ ខែកុម្ភៈ នេះថា គម្រោងប្រតិបត្តិការកងទ័ពរបស់អ៊ីស្រាអែលនៅក្នុងទីក្រុង Rafah អាចបណ្តាលនឹងឱ្យ “មនុស្សរាប់ម៉ឺននាក់” ស្លាប់និងរបួស ។

ការព្រមាននេះ បានធ្វើឡើង បន្ទាប់ពីនាយករដ្ឋមន្ត្រីអ៊ីស្រាអែលលោក Benjamin Netanyahu បានបញ្ជាឱ្យយោធារៀបចំគម្រោងជម្លៀសជនភៀសខ្លួនប៉ាឡេស្ទីនចេញពីទីក្រុង Rafah ដើម្បីងាយស្រួលធ្វើប្រតិបត្តិការបោសសម្អាតក្រុមហាម៉ាស់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសុក្រ លោក Netanyahu បានប្រាប់ក្រុមមន្ត្រីឱ្យ “ដាក់ស្នើទៅគណៈរដ្ឋមន្ត្រីនូវផែនការរួមមួយសម្រាប់ការជម្លៀសប្រជាជនប៉ាឡេស្ទីន និងបំផ្លាញកងវរសេនាតូចនៃក្រុម ហាម៉ាស់ នៅ Rafah ត្រឹមតែប៉ុន្មានម៉ោងបន្ទាប់ពី ប្រធានាធិបតីសហរដ្ឋអាមេរិក Joe Biden បានចេញសាររិះគន់យ៉ាងខ្លាំងទៅលើអ៊ីស្រាអែល ទៅលើការវាយប្រហារថ្ងៃទី ៧ ខែតុលា ។

នៅថ្ងៃសៅរ៍នេះ អារ៉ាប៊ីសាអូឌីត បានព្រមានពី “មហន្តរាយមនុស្សធម៌” ប្រសិនបើផែនការរបស់អ៊ីស្រាអែល អាចដំណើរការទៅមុខ។ ក្រសួងការបរទេសរបស់ទីក្រុងរីយ៉ាដបានច្រានចោលយ៉ាងដាច់អហង្ការចំពោះ “ការនិរទេសដោយបង្ខំ” ហើយបានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិធ្វើអន្តរាគមន៍។

សូមរំឮកថា សង្គ្រាមនៅតំបន់ Gaza ត្រូវបានបញ្ឆេះឡើងដោយក្រុមសកម្មប្រយុទ្ធប៉ាឡេស្ទីន ហាម៉ាស បើកការវាយប្រហារដែលមិនធ្លាប់មានពីមុនមកកាលពីថ្ងៃទី ៧ ខែតុលា ឆ្នាំ ២០២៣ ទៅលើអ៊ីស្រាអែល ដែលបណ្តាលឱ្យមនុស្សប្រហែល ១.១៦០ នាក់ស្លាប់ ដោយភាគច្រើនជាជនស៊ីវិល នេះបើយោងតាមការបូកសរុបរបស់ AFP ដោយផ្អែកលើតួលេខផ្លូវការ។

ដោយប្តេជ្ញាលុបបំបាត់ក្រុមហាម៉ាស អ៊ីស្រាអែលបានបើកការវាយលុកយោធាទ្រង់ទ្រាយធំនៅក្នុងតំបន់ Gaza និងបានសម្លាប់មនុស្សយ៉ាងហោចណាស់ ២៧.៩៤៧ នាក់ ដែលភាគច្រើនជាស្ត្រី និងកុមារ។

កាលពីថ្ងៃសុក្រ ម្សិលមិញនេះ លោក Benjamin Netanyahu នាយករដ្ឋមន្ត្រីអ៊ីស្រាអែល បានមើលឃើញថា ទីក្រុង Rafah ភាគខាងត្បូងនៃតំបន់ Gaza ជាបន្ទាយចុងក្រោយរបស់ហាម៉ាស់ ដូចច្នេះលោកក៏បានរៀបចំគម្រោងជម្លៀសជនភៀសខ្លួនប៉ាឡេស្ទីន ដើម្បីងាយស្រួលសម្រេចនូវយុទ្ធនាការបោសសម្អាតក្រុមហាម៉ាស ។ យ៉ាងណាមិញចំពោះគម្រោងខាងលើនេះសហរដ្ឋអាមេរិក និងសហភាពអ៊ឺរ៉ុប ប្រកាសមិនគាំទ្រជាដាច់ខាត ៕

ប្រែសម្រួលដោយ÷ ប៉ោ កុសល

ប្រភព÷ CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម