ព័ត៌មានអន្ដរជាតិ
តើរថយន្ត Aurus ដែលលោក ពូទីន ជូនមេដឹកនាំកូរ៉េខាងជើង ពិសេសយ៉ាងណាទៅ?
តាមសេចក្តីរាយការណ៍របស់ Reuters, មេដឹកនាំកូរ៉េខាងជើងលោក គីម ជុងអ៊ុន កាលពីចុងសប្ដាហ៍ បានទទួលកាដូជារថយន្តសេរ៊ីទំនើបមួយគ្រឿងពីប្រធានាធិបតីរុស្ស៊ីលោក វ្ល៉ាឌីមៀរ ពូទីន ទុកសម្រាប់ជិះផ្ទាល់ខ្លួន។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់ទីភ្នាក់ងារសារព័ត៌មានរដ្ឋ RIA របស់រុស្ស៊ីថា នោះគឺជារថយន្តម៉ាក Aurus ផលិតនៅប្រទេសរុស្ស៊ីផ្ទាល់តែម្ដង ហើយបើតាមគេដឹង នេះជាប្រភេទរថយន្តដែលលោក គីម ចាប់ចិត្តជាយូរណាស់មកហើយ។
អ៊ីចឹងតើរថយន្ត Aurus មានលក្ខណៈពិសេសយ៉ាងណា?
Aurus Senat Limousine គឺជាយានជំនិះផ្លូវការរបស់ប្រធានាធិបតីរុស្ស៊ី វ្ល៉ាឌីមៀរ ពូទីន ហើយធ្វើឲ្យលោកក្លាយជាប្រធានាធិបតីរុស្ស៊ីដំបូងគេ ដែលប្រើប្រាស់រថយន្តផលិតក្នុងស្រុកកាលពីឆ្នាំ២០១៨។
ដោយសារតែផលិតឡើងតាមតម្រូវការរបស់លោក ពូទីន ជាផ្នែកនៃគម្រោង “Cortege” ធ្វើឲ្យរថយន្តប្រភេទនេះ ក្លាយជានិមិត្តរូបនៃភាពប្រណីតនិងសន្តិសុខរបស់រុស្ស៊ី។
ជារឿយៗ រថយន្ត Aurus Senat ត្រូវបានគេប្រៀបធៀបទៅនឹងរថយន្ត Rolls-Royce Phantom។ Aurus មានប្រវែង ៥.៦ម៉ែត្រ និងទម្ងន់២៧០០គីឡូក្រាម ប៉ុន្តែរថយន្តពិសេសរបស់លោកពូទីន មានប្រវែងដល់៦.៧ម៉ែត្រឯណោះ។
លក្ខណៈពិសេសគឺថា រថយន្តនេះមានពាសដែកការពារគ្រាប់កាំភ្លើង កញ្ចក់តាន់ ធន់នឹងគ្រាប់បែកផ្ទុះពីខាងក្រោម សម្បកកង់រាបស្មើ បំពាក់អាវុធទំនើប និងភ្ជាប់ជាមួយធង់អុកស៊ីសែន ហើយវាក៏មានប្រព័ន្ធទំនាក់ទំនងប្រកបដោយសុវត្ថិភាពផងដែរ។
ចំពោះតម្លៃវិញ បើយោងតាមក្រុមហ៊ុនទិញដូររថយន្តរុស្ស៊ី Panavto, Aurus ប្រភេទធម្មតា មានតម្លៃចន្លោះពី ៤៤៣ ៧០០ដុល្លារ ដល់ ៤៤៧ ០០០ដុល្លារអាមេរិក រីឯរថយន្តពិសេសរបស់លោក ពូទីន ត្រូវបានគេទម្លាយថា មានតម្លៃរហូតដល់ទៅ២០លានដុល្លារឯណោះ៕
អត្ថបទ៖ សុខ សុវណ្ណ
ចុចអាន៖ លោក ពូទីន ឲ្យកាដូជារថយន្តសេរ៊ីទំនើបដល់បុរសនុយក្លេអ៊ែរ កូរ៉េខាងជើង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ