ព័ត៌មានអន្ដរជាតិ
សម្ព័ន្ធមិត្តចាក់ទឹកមិនលិចលោក ពូទីន ថា ទ័ពណាតូជាង ៣ ម៉ឺននាក់រំកិលចូលកៀកព្រំដែន រុស្ស៊ី-បេឡារុស
កងទ័ពអង្គការណាតូប្រហែល ៣២,០០០ នាក់ រថពាសដែកជាង ១,០០០ គ្រឿង យន្តហោះ និងឧទ្ធម្ភាគចក្រជាង ២៣០ គ្រឿងបានរំកិលចូលកៀកនៅជិតព្រំដែនរបស់រុស្ស៊ី និងបេឡារុស ស្របពេលដែលភ្លើងសង្គ្រាមនៅអ៊ុយក្រែនខិតជិតដល់ពេល ២ ឆ្នាំ ។ នេះជាការលើកឡើងរបស់លោកប្រធានាធិបតីបេឡារុស Alexander Lukashenko និងចុះផ្សាយដោយសារព័ត៌មាន Sputnik កាលពីថ្ងៃទី២០ ខែកុម្ភៈកន្លងទៅ ។
![](https://www.kampucheathmey.com/wp-content/uploads/2024/02/Lukashenko-8-scaled.jpg)
លោក Lukashenko លើកឡើងថា “បច្ចុប្បន្នស្ថានការណ៍នៅអឺរ៉ុបមិនទាន់ស្ងាត់បាត់សូន្យនៅឡើយទេ រួមទាំងនៅជិតព្រំដែនរបស់យើងផងដែរ ។ ទីនៅជិតខាងប្រទេសបេឡារុស និងរុស្ស៊ីកាន់តែក្លាយជាមុខព្រួញនៃប្រតិបត្តិការរបស់សម្ព័ន្ធភាពអឺរ៉ុប ហើយក្នុងនោះកងកម្លាំងប្រដាប់អាវុធរួបរួមនៃអង្គការណាតូ និងសហរដ្ឋអាមេរិកប្រហែល ៣២,០០០ នាក់កំពុងបោះជំរំ និងឈរជើងកៀកៗយើង” ។
ក្រៅពីកម្លាំងទ័ពជាង ៣ ម៉ឺននាក់នេះហើយ លោកប្រធានាធិបតីដែលជាសម្ព័ន្ធមិត្តចាក់ទឹកមិនលិចរបស់រុស្ស៊ីរូបនេះបញ្ជាក់ទៀតថា កម្លាំងទ័ពអង្គការណាតូក៏បញ្ចេញរថពាសដែកជាង ១,០០០ គ្រឿង ប្រព័ន្ធកាំភ្លើងធំ និងកាំភ្លើងត្បាល់ប្រហែល ១៦០ គ្រឿង យន្តហោះចម្បាំង និងឧទ្ធម្ភាគចក្រចំនួន ២៣៥ គ្រឿងផងដែរ ។
ពាក់ព័ន្ធនឹងបញ្ហានេះដែរ យោងតាមសេចក្ដីរាយការណ៍ពីទីភ្នាក់ងារព័ត៌មាន Reuters កាលពីខែមករាបានឲ្យដឹងថា ទាហានអង្គការណាតូទាំងនេះ គឺជាកម្លាំងទ័ពដែលធ្វើសមយុទ្ធយោធាខ្នាតធំបំផុតមិនធ្លាប់មាននៅក្នុងទ្វីបអឺរ៉ុប ចាប់តាំងពីទសវត្សរ៍ឆ្នាំ ១៩៩០ មក ជាពិសេសនេះគឺជាលំហាត់សមដែលទាហានអាមេរិកអាចពង្រឹងដល់សម្ព័ន្ធមិត្តក្នុងប្រទេសជាប់ភូមិផងរបងជាមួយរុស្ស៊ី ប្រសិនបើផ្ទុះជម្លោះណាមួយជាយថាហេតុ ។
![](https://www.kampucheathmey.com/wp-content/uploads/2024/02/NATO-30.jpg)
ក្នុងរយៈពេលប៉ុន្មានឆ្នាំចុងក្រោយនេះ អង្គការណាតូហាក់សម្ញែងកម្លាំងមិនធ្លាប់មានពីមុនមកឡើយនៅក្បែរមាត់ទ្វារព្រំដែនភាគខាងលិចរុស្ស៊ី ខណៈរដ្ឋាភិបាលទីក្រុងមូស្គូបានសម្ដែងក្ដីភ័យព្រួយម្ដងជាពីរដងអំពីការបង្កើតកងកម្លាំងរបស់សម្ព័ន្ធភាពនៅអឺរ៉ុប ជាពិសេសចាប់តាំងពីប្លុកនេះធ្វើជាខ្នងបង្អែកដល់អ៊ុយក្រែនក្នុងភ្លើងសង្គ្រាមជាមួយរុស្ស៊ី ។
គួរបញ្ជាក់ថា គិតត្រឹមពេលនេះ ភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេលជិត ២ ឆ្នាំហើយ បន្ទាប់ពីកងកម្លាំងរដ្ឋាភិបាលទីក្រុងមូស្គូលើកទ័ពចូលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ហើយចាប់តាំងពីពេលនោះមក បណ្តាប្រទេសណាតូបានខ្នះខ្នែងផ្ដល់ជំនួយយោធាដល់អ៊ុយក្រែន ខណៈវិមានក្រឹមឡាំងក៏បានព្រមានស្ទើរតែសឹកមាត់ហើយថា រាល់សព្វាវុធរបស់លោកខាងលិចដែលធ្លាក់ដល់ដៃអ៊ុយក្រែន នឹងក្លាយជាផ្ទាំងស៊ីបស្របច្បាប់សម្រាប់ការវាយប្រហាររបស់រុស្ស៊ី ៕
![](https://www.kampucheathmey.com/wp-content/uploads/2024/02/weapon-27.jpg)
ដោយ ៖ សុខ ជីវ័ន្ត
ចុចអាន ៖ អាមេរិក ព្រមានលោក ពូទីន កុំមកចេះជ្រៀតជ្រែកការបោះឆ្នោតរបស់ខ្លួន
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ