ព័ត៌មានអន្ដរជាតិ
លោក Blinken ទៅដល់ហ្វីលីពីន ចំពេលភាពតានតឹងនៅសមុទ្រចិនខាងត្បូង ឡើងកម្តៅខ្លាំង
តាមសេចក្តីរាយការណ៍របស់ Reuters, រដ្ឋមន្ត្រីការបរទេសអាមេរិក លោក Antony Blinken បានទៅដល់ប្រទេសហ្វីលីពីនហើយនៅថ្ងៃអង្គារទី១៩ខែមីនា ដើម្បីពិភាក្សាអំពីបញ្ហាពាណិជ្ជកម្ម ហើយនឹងធានាការប្តេជ្ញាចិត្តផ្នែកសន្តិសុខ “រឹងដូចដែកថែប” របស់ទីក្រុងវ៉ាស៊ីនតោន ចំពោះទីក្រុងម៉ានីល ចំពេលមានភាពតានតឹង កាន់តែខ្លាំងឡើងជាមួយមហាអំណាចក្នុងតំបន់គឺប្រទេសចិន។
ប៉ុន្មានខែចុងក្រោយនេះ ទីក្រុងម៉ានីលនិងប៉េកាំង មានភាពរកាំរកូសជាមួយគ្នាយ៉ាងខ្លាំង ជុំវិញបញ្ហាសមុទ្រចិនខាងត្បូង ខណៈមន្ត្រីជាន់ខ្ពស់អាមេរិក ចេញមុខអះអាងថា ខ្លួននឹងមិនឱបដៃឈរមើលហ្វីលីពីនឡើយ បើមានរឿងអ្វីកើតឡើងមែន។
ដំណើរទស្សនកិច្ចនេះ ក៏ត្រូវបានគេមើលឃើញផងដែរថា ដើម្បីបង្ហាញការគាំទ្រយ៉ាងមោះមុតរបស់អាមេរិកចំពោះប្រធានាធិបតីហ្វីលីពីន Ferdinand Marcos Jr ដែលបានងាកទៅចាប់ដៃទីក្រុងវ៉ាស៊ីនតោនវិញ ខុសពីអ្នកកាន់តំណែងមុនគឺលោក Rodrigo Duterte ដែលមានទំនោរទៅខាងទីក្រុងប៉េកាំង។
ហ្វីលីពីន នៅតែជាមជ្ឈមណ្ឌលយុទ្ធសាស្ត្រដ៏សំខាន់សម្រាប់សហរដ្ឋអាមេរិក ជាពិសេសដោយសារតែទីតាំងរបស់ខ្លួន ស្ថិតនៅក្នុងតំបន់ស្នូល ដែលចិនមើលឃើញថា ជាទីតាំងយុទ្ធសាស្រ្តដើម្បីប្រជែងអំណាចនិងឥទ្ធិពលរបស់អាមេរិក។
ដែនទឹកនៃឈូងសមុទ្រម៉ានីល បានលាតសន្ធឹងចូលទៅក្នុងសមុទ្រចិនខាងត្បូង ហើយទីនោះឯង ដែលហ្វីលីពីននិងប្រជាជាតិអាស៊ីមួយចំនួនទៀត មានការទាស់ទែងគ្នាជាមួយទីក្រុងប៉េកាំងពាក់ព័ន្ធដែនទឹក និងផ្លូវពាណិជ្ជកម្មដ៏សំខាន់។
ត្បិតជម្លោះនៅសមុទ្រចិនខាងត្បូងមិនមែនជារឿងថ្មីក៏ពិតមែន ប៉ុន្តែការប្រឈមមុខដាក់គ្នាដ៏គ្រោះថ្នាក់រវាងឆ្មាំសមុទ្រហ្វីលីពីននិងចិន ក្នុងរយៈពេលប៉ុន្មានខែថ្មីៗនេះ បានបង្កើនហានិភ័យផ្ទុះជម្លោះទ្រង់ទ្រាយធំ។
ទោះបីជាយ៉ាងណាក៏ដោយ សហរដ្ឋអាមេរិកចាត់ទុកសកម្មភាពដែនសមុទ្ររបស់ចិន ថាជាយុទ្ធនាការយាយីប្រឆាំងនឹងប្រទេសជិតខាងរបស់ខ្លួន។ ទីក្រុងវ៉ាស៊ីនតោនមានសន្ធិសញ្ញាការពារជាតិយូរអង្វែងជាមួយហ្វីលីពីន ហើយធ្លាប់និយាយថា ការវាយប្រហារប្រដាប់អាវុធណាមួយលើនាវាហ្វីលីពីន នឹងជំរុញឲ្យមានការប្តេជ្ញាចិត្តការពារគ្នាទៅវិញទៅមក។
ក្នុងឆ្នាំ២០១៤ ទីក្រុងវ៉ាស៊ីនតោនក៏បានចុះហត្ថលេខាលើកិច្ចព្រមព្រៀងការពារជាតិ ជាមួយទីក្រុងម៉ានីលផងដែរ ដែលអនុញ្ញាតឲ្យសហរដ្ឋអាមេរិក ផ្តល់មូលនិធិសម្រាប់ការអភិវឌ្ឍមូលដ្ឋានយោធាហ្វីលីពីននិងដាក់ពង្រាយទាហានអាមេរិកតាមដំណាក់កាល។ លុះមកដល់ឆ្នាំ ២០២៣ សហរដ្ឋអាមេរិកទទួលបានការអនុញ្ញាតឲ្យដាក់មូលដ្ឋានចំនួន៤បន្ថែមទៀត នៅក្នុងកិច្ចព្រមព្រៀងដ៏សំខាន់មួយដែលរឹងចំណងទំនាក់ទំនងកាន់តែស្អិតរមួតរវាងប្រទេសទាំងពីរ៕
អត្ថបទ៖ សុខ សុវណ្ណ
ចុចអាន៖ នាវាឆ្មាំសមុទ្រចិននិងហ្វីលីពីន បុកគ្នា ក្នុងសមុទ្រចិនខាងត្បូង
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន