Connect with us

ព័ត៌មានអន្ដរជាតិ

រុស្ស៊ី ថា អាមេរិក គួរតែប្រញាប់ប្រាប់ព័ត៌មានរឿងវាយប្រហារភេរវកម្មនៅ​ក្រុងមូស្គូឲ្យហើយមក

បានផុស

នៅ

ប្រសិនបើសហរដ្ឋអាមេរិកដឹងជាក់ច្បាស់ថា អ៊ុយក្រែនមិនជាប់ពាក់ព័ន្ធនឹងឧប្បត្តិហេតុបាញ់ប្រហារទ្រង់ទ្រាយធំនៅសាលប្រគំតន្ត្រីជិតទីក្រុងមូស្គូទេនោះ ទីក្រុងវ៉ាស៊ីនតោនគួរតែប្រញាប់រួសរាន់ចែករំលែកព័ត៌មានណាមួយដែលខ្លួនមានឲ្យហើយមក ។ នេះជាការលើកឡើងរបស់រុស្ស៊ី និងចុះផ្សាយដោយទីភ្នាក់ងារព័ត៌មាន Reuters កាលពីថ្ងៃទី២២ ខែមីនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការឆ្លើយតប អ្នកនាំពាក្យសេតវិមានលោក John Kirby បានស្រាយបំភ្លឺទៅកាន់រុស្ស៊ីវិញថា “មិនទាន់មានការចង្អុលបង្ហាញនៅពេលនេះនោះទេដែលថា ប្រជាជាតិអ៊ុយក្រែន និងប្រជាជនអ៊ុយក្រែនមានជាប់ពាក់ព័ន្ធការវាយប្រហារភេរវកម្មនៅទីក្រុងមូស្គូ” ។

ដោយឡែកអ្នកនាំពាក្យក្រសួងការបរទេសរុស្ស៊ីលោកស្រី Maria Zakharova ក៏បានចេញមុខបញ្ជាក់ផងដែរថា “វាជាមូលដ្ឋានទូទៅទៅហើយដែលមន្ត្រីនៅទីក្រុងវ៉ាស៊ីនតោនមិនដែលដាក់ការសន្និដ្ឋានទៅលើអ្នកណាម្នាក់ឲ្យមានទោសកំហុសចំពោះសោកនាដកម្មរបស់រុស្ស៊ីនោះ ហើយប្រសិនបើសហរដ្ឋអាមេរិកមានព័ត៌មាន គួរតែប្រញាប់រួសរាន់ចែករំលែកមកកាន់រុស្ស៊ី ហើយប្រសិនបើទីក្រុងវ៉ាស៊ីនតោនគ្មានព័ត៌មាននោះទេ មិនគួរនិយាយបែបនេះឡើយ” ។

គួរបញ្ជាក់ថា មនុស្សជាង ៦០ នាក់ត្រូវបានសម្លាប់ និងជាង ១០០ នាក់រងរបួសក្នុងការបាញ់រះ និងបំផ្ទុះគ្រាប់បែកនៅឯផ្សារទំនើប និងសាលប្រគំតន្ត្រី Crocus City Hall ភាគពាយព្យទីក្រុងមូស្គូកាលពីថ្ងៃសុក្រ ទី២២ ខែមីនា ខណៈអតីតប្រធានាធិបតីរុស្ស៊ីលោក Dmitry Medvedev ក៏បានចេញការព្រមានដែរថា​ ជនដៃដល់ និងអ្នករៀបចំការវាយប្រហារភេរវកម្មនេះត្រូវតែតាមកម្ចាត់ដោយគ្មានមេត្តាគឺ “ឈាមត្រូវសងដោយឈាម” ៕

ដោយ ៖ សុខ ជីវ័ន្ត

ចុចអាន ៖ ក្រោយវាយប្រហារភេរវកម្ម រុស្ស៊ី ប្រកាសថា “ឈាម សងដោយឈាម”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៤ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៣០ នាទី មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម១ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម