Connect with us

ព័ត៌មានអន្ដរជាតិ

រដ្ឋមន្ត្រីការបរទេស ណាតូ ត្រៀមពិភាក្សាផ្ដល់ជំនួយយោធា ១០៨ ពាន់លានដុល្លារឲ្យ អ៊ុយក្រែន

បានផុស

នៅ

បណ្ដារដ្ឋមន្ត្រីការបរទេសអង្គការណាតូបានជួបពិភាក្សាគ្នាលើសំណើរបស់ប្រមុខអង្គការគឺលោក Jens Stoltenberg សម្រាប់ការផ្ដល់មូលនិធិគាំទ្រផ្នែកយោធារយៈពេល ៥ ឆ្នាំក្នុងទំហំទឹកប្រាក់ប្រមាណ ១០៨ ពាន់លានដុល្លារដល់អ៊ុយក្រែន ។ នេះបើយោងតាមការចេញផ្សាយរបស់សារពត៌មាន Al Jazeera នៅថ្ងៃទី​៣ ខែមេសា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំណើនេះរំពឹងនឹងត្រូវលើកយកមកពិភាក្សានៅក្នុងកិច្ចប្រជុំនាទីក្រុងប្រ៊ុចសែលនៅថ្ងៃពុធ និងថ្ងៃព្រហស្បតិ៍ ដោយមានគោលបំណងរៀបចំកញ្ចប់ជំនួយថ្មីមួយឲ្យទាន់ពេលវេលាសម្រាប់លើកដាក់ក្នុងកិច្ចប្រជុំកំពូលរបស់អង្គការណាតូនៅទីក្រុងវ៉ាស៊ីនតោននាខែកក្កដា ហើយនេះក៏ជាវិធីដ៏ល្អបំផុតមួយផងដែរ ក្នុងការរៀបជើងព្រួលគាំទ្រពីសំណាក់ណាតូទៅដល់អ៊ុយក្រែន ដើម្បីធ្វើឲ្យរដ្ឋាភិបាលទីក្រុងកៀវកាន់តែមានឥទ្ធិពលនៅក្នុងសង្គ្រាម ។

នៅក្រោមផែនការនេះ អង្គការណាតូនឹងកាន់កាប់ការងារសម្របសម្រួលមួយចំនួនពីក្រុមចម្រុះដឹកនាំដោយសហរដ្ឋអាមេរិកដែលគេស្គាល់ថាជាក្រុមយោធា Ramstein ខណៈអ្នកការទូតបាននិយាយថា ជំហាននេះត្រូវបានរៀបចំឡើងជាផ្នែកមួយដើម្បីការពារប្រឆាំងនឹងការកាត់បន្ថយជំនួយគាំទ្ររបស់សហរដ្ឋអាមេរិក ប្រសិនបើលោក Donald Trump ឈ្នះឆ្នោត ។

គួរបញ្ជាក់ថា រហូតមកដល់ពេលនេះ អង្គការណាតូក៏បានដាក់កម្រិតខ្លួនឯងផងដែរចំពោះជំនួយដល់អ៊ុយក្រែន ដោយសារមានការភ័យខ្លាចថា អាចបង្កឲ្យមានភាពតានតឹងកាន់តែខ្លាំងឡើងជាមួយរុស្ស៊ី ខណៈសមាជិក​ភាគច្រើន​របស់ណាតូផ្តល់​អាវុធ​ដល់​អ៊ុយក្រែន​តាម​ទំនាក់ទំនងទ្វេភាគី ។

មួយវិញទៀត ការពិភាក្សាលើសំណើនេះគឺស្ថិតនៅដំណាក់កាលដំបូងនៅឡើយ ហើយវាមិនច្បាស់ទេថាតើទឹកប្រាក់សរុប ១០៨ ពាន់លានដុល្លារនឹងត្រូវបានផ្តល់ហិរញ្ញប្បទានឫយ៉ាងណា ខណៈរាល់ការសម្រេចចិត្តរបស់ណាតូទាមទារឲ្យមានការឯកភាពគ្នាក្នុងចំណោមសមាជិកទាំង ៣២ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២០ វិនាទី មុន

រដ្ឋមន្ត្រីការបរទេស ណាតូ ត្រៀមពិភាក្សាផ្ដល់ជំនួយយោធា ១០៨ ពាន់លានដុល្លារឲ្យ អ៊ុយក្រែន

ព័ត៌មានជាតិ២ នាទី មុន

រដ្ឋបាលរាជធានីកំពុងរៀបចំតុបតែងលម្អរសោភ័ណ្ឌភាព និងរៀបចំសង្ក្រាន្តវត្តភ្នំ ក្នុងឱកាសបុណ្យចូលឆ្នាំថ្មី

ជីវិតកម្សាន្ដ១២ នាទី មុន

ឃុំ ប៉ុណ្ណាដែត ចង់ឃើញយុវជនខ្មែរចេះមោទនភាពជាមួយការប្រកួតប្រជែងបែប Technology

ព័ត៌មានជាតិ១៤ នាទី មុន

ការបណ្ដុះបណ្ដាលជំនាញវិជ្ជាជីវៈ ១,៥ លាននាក់ ៖ សិក្ខាកាមចាប់ផ្ដើម​ចុះកម្មសិក្សាតាមក្រុមហ៊ុនឯកជន ដើម្បីពង្រឹងសមត្ថភាពលើការអនុវត្តផ្ទាល់

ព័ត៌មានអន្ដរជាតិ២៥ នាទី មុន

ន័រវែស ដើមតាម ដាណឺម៉ាក ត្រៀមបង្កើនចំនួនទាហានដល់ ១៣,៥០០ នាក់នៅឆ្នាំ ២០៣៦

Sokha Hotels

ព័ត៌មានពេញនិយម