ព័ត៌មានអន្ដរជាតិ
Changi បាត់តំណែងជាអាកាសយានដ្ឋានល្អផ្តាច់គេ លើលោក
នៅទីបំផុត អាកាសយានដ្ឋានអន្តរជាតិ Hamad របស់ទីក្រុងដូហា នៃប្រទេសកាតា បានទាញទម្លាក់អាកាសយានដ្ឋាន Changi របស់សិង្ហបុរី ឡើងឈរតំណែងលេខ១ ជាព្រលានយន្តហោះល្អផ្តាច់គេរបស់ពិភពលោកនៅឆ្នាំ២០២៤នេះ។ នេះបើតាមទិន្នន័យពី Skytrax ដែលជាក្រុមហ៊ុនពិនិត្យនិងឲ្យចំណាត់ថ្នាក់គេហទំព័រអាកាសចរណ៍ និងព្រលានយន្តហោះរបស់ចក្រភពអង់គ្លេស។
លទ្ធផលនេះ គឺបន្ទាប់ពីក្រុមហ៊ុនធ្វើការស្ទង់មតិលើអ្នកដំណើរ រាប់ចាប់ពីចន្លោះខែសីហាឆ្នាំ២០២៣ដល់ខែមីនាឆ្នាំ២០២៤ ដើម្បីប្រគល់ពានរង្វាន់អាកាសយានដ្ឋានពិភពលោក Skytrax ឆ្នាំ២០២៤។
ក្នុងការស្ទង់មតិនោះដែរ អ្នកដំណើរទាំងអស់ បានវាយតម្លៃចំពោះសេវាកម្មអាកាសយានដ្ឋានសំខាន់ៗ ដូចជាបទពិសោធន៍នៃការ check-in ការជញ្ជូនវ៉ាលិស ផ្នែកអន្តោប្រវេសន៍ ការដើរទិញអីវ៉ាន់ និងការចេញដំណើរ។
ជាមួយនឹងការរចនាបែបទំនើប, អាកាសយានដ្ឋាន Hamad នៅមានលក្ខណៈពិសេសផ្សេងទៀតដូចជា សណ្ឋាគារប្រណីតដែលមានបន្ទប់ភ្ញៀវជាង១០០ សួនច្បារត្រូពិក និងផ្សារទំនើប។
នេះមិនមែនជាឆ្នាំទី១ទេ ដែលអាកាសយានដ្ឋានអន្តរជាតិ Hamad ជាប់ឈ្មោះជាព្រលានយន្តហោះល្អផ្តាច់គេលើពិភពលោក ពោលអាកាសយានដ្ឋាននេះធ្លាប់ឈ្នះ២ដងរួចមកហើយ គឺក្នុងឆ្នាំ២០២១និង២០២២។
ចំណែក អាកាសយានដ្ឋាន Changi ដែលល្បីល្បាញដោយសារទឹកធ្លាក់ខាងក្នុងខ្ពស់ជាងគេលើពិភពលោក គឺត្រូវបានបោះឆ្នោតជ្រើសរើសជាព្រលានយន្តហោះល្អបំផុតរបស់ពិភពលោកចំនួន១២ដងដោយ Skytrax ចាប់ពីឆ្នាំ២០១៣ដល់២០២០និងម្តងទៀតនៅឆ្នាំ២០២៣។
ដោយឡែក ចំណាត់ថ្នាក់លេខ៣នៅឆ្នាំនេះ គឺបានទៅលើអាកាសយានដ្ឋានអន្តរជាតិ Incheon របស់កូរ៉េខាងត្បូង ខណៈលេខ៤ គឺអាកាសយានដ្ឋាន Haneda របស់ជប៉ុន និងលេខ៥បានទៅលើអាកាសយានដ្ឋានអន្តរជាតិ Narita របស់ជប៉ុនដូចគ្នា៕
អត្ថបទ៖ សុខ សុវណ្ណ
ចុចអាន៖ បច្ចុប្បន្នកម្ពុជាមានអាកាសយានដ្ឋានជាតិ និងអន្តរជាតិចំនួនប៉ុន្មាន?
-
ជីវិតកម្សាន្ដ៦ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ២៤ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ២ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានអន្ដរជាតិ៧ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
សន្តិសុខសង្គម១ សប្តាហ៍ ago
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ
-
ព័ត៌មានអន្ដរជាតិ៦ ថ្ងៃ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien