ព័ត៌មានអន្ដរជាតិ
បក្សកុម្មុយនីស្ត វៀតណាម បញ្ជាក់ដើមចមការលាលែងពីតំណែងរបស់ប្រធានរដ្ឋសភា
ការិយាល័យគណៈកម្មាធិការមជ្ឈិមបក្សកុម្មុយនីស្តវៀតណាមបានប្រកាសកាលពីថ្ងៃសុក្រថា លោក Vuong Dinh Hue បានសម្រេចចិត្តលាលែងពីតំណែងជាប្រធានរដ្ឋសភា ហើយនេះសញ្ញាជាថ្មីមួយទៀតនៃភាពចលាចលផ្នែកនយោបាយរបស់ប្រទេសអាស៊ានមួយនេះ ក្រោយការចុះចេញរបស់ប្រធានាធិបតីមិនទាន់បានប៉ុន្មានខែស្រួលបួលផង ។ នេះបើយោងតាមការចេញផ្សាយដោយទីភ្នាក់ងារ Reuters ។
ចំណែកពាក់ព័ន្ធនឹងឫសគល់នៃការលាលែងនេះដែរ គណបក្សកុម្មុយនីស្តវៀតណាមបានបញ្ជាក់ថា គឺដោយសារតែលោក Vuong Dinh Hue បានប្រព្រឹត្តកំហុសខុសឆ្គង និងអសមត្ថភាព ក៏ដូចជាបំពានបទប្បញ្ញត្តិរបស់បក្ស ហើយការបំពានរបស់លោកបានប៉ះពាល់ដល់កេរ្តិ៍ឈ្មោះរបស់បក្ស រដ្ឋ និងខ្លួនលោកផ្ទាល់ ខណៈ ៤ ថ្ងៃកន្លងមកនេះ ក៏មានការចាប់ខ្លួនអនុប្រធានការិយាល័យរដ្ឋសភា និងជាជំនួយការរបស់លោក Hue ផងដែរ ពីបទរំលោភអំណាច ។
លោក Hue អាយុ ៦៧ ឆ្នាំត្រូវបានគណៈកម្មាធិការមជ្ឈិមបក្សកុម្មុយនិស្តវៀតណាមចាត់ទុកថាជាមេដឹកនាំដ៏សំខាន់របស់បក្ស និងរដ្ឋ ហើយតួនាទីជាប្រធានសភារបស់លោកនេះទៀតសោតត្រូវបានចែងថា ស្ថិតក្នុងចំណោម “សសរស្តម្ភ” ទាំង ៤ នៃថ្នាក់ដឹកវៀតណាម ។
ទន្ទឹមនោះ មុនឡើងកាន់ការជាប្រធានសភា លោក Hue ធ្លាប់ជារដ្ឋមន្ត្រីក្រសួងហិរញ្ញវត្ថុពីឆ្នាំ ២០១១ ដល់ឆ្នាំ ២០១៣ និងជាប្រធានគណៈកម្មការសេដ្ឋកិច្ចពីឆ្នាំ ២០១២ ដល់ឆ្នាំ ២០១៦ ហើយឡើងកាន់តំណែងជាឧបនាយករដ្ឋមន្ត្រីពីឆ្នាំ ២០១៦ ដល់ឆ្នាំ ២០២០ ខណៈនៅខែកុម្ភៈ ឆ្នាំ ២០២០ ដដែលនោះ លោកត្រូវបានតែងតាំងជាលេខាបក្សក្នុងទីក្រុងហាណូយ មុនពេលបន្តធ្វើជាប្រធានរដ្ឋសភានៅខែមីនា ឆ្នាំ ២០២១ ។
គួរបញ្ជាក់ថា ការលាលែងពីតំណែងរបស់លោក Vuong Dinh Hue កើតមានឡើងត្រឹមតែប៉ុន្មានខែប៉ុណ្ណោះ បន្ទាប់ពីការចុះចេញពីតំណែងរបស់លោកប្រធានាធិបតី Vo Van Thuong ដោយសារឫសគល់ស្រដៀងគ្នានេះ ខណៈការលាលែងរបស់លោកប្រធានាធិបតីនេះទៀតសោតមានរយៈពេលត្រឹម ១ ឆ្នាំប៉ុណ្ណោះ ក្រោយការចុះចេញពីតំណែងរបស់លោក Nguyen Xuan Phuc កាលពីឆ្នាំ ២០២៣ កន្លងទៅ ៕
ដោយ ៖ សុខ ជីវ័ន្ត
ចុចអាន ៖ ក្រោយតុលាការសម្រេចកាត់ទោស ប្រហារជីវិត អតីតសេដ្ឋិនី វៀតណាម ប្តឹង ឧទ្ធរណ៍ទៅវិញ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១២ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ជីវិតកម្សាន្ដ១៧ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ១៣ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល