ព័ត៌មានអន្ដរជាតិ
ចំនួនអ្នកស្លាប់ក្នុងហេតុការណ៍បាក់ផ្លូវហាយវ៉េនៅ ចិន កើនដល់ ៣៦ នាក់
ចំនួនអ្នកស្លាប់បាត់បង់ជីវិតក្នុងហេតុការណ៍បាក់ផ្លូវហាយវ៉េមួយកន្លែង ដោយសារតែភ្លៀងធ្លាក់ខ្លាំងនៅក្នុងខេត្តក្វាងទុងភាគខាងត្បូងប្រទេសចិនបានកើនឡើងដល់ ៣៦ នាក់ហើយ ។ នេះបើយោងតាមការចេញផ្សាយដោយសារព័ត៌មាន CNA កាលពីថ្ងៃទី១ ខែឧសភា ។
ហេតុការន៍នេះបានកើតឡើងនៅផ្លូវហាយវ៉េមួយកន្លែងដែលតភ្ជាប់រវាងទីក្រុង Meizhou និងស្រុក Dabu ក្នុងខេត្ត ក្វាងទុងនៅវេលាម៉ោងប្រហែល ២ និង ១០ នាទីរសៀលកាលពីថ្ងៃពុធ ខណៈប៉ុន្មានសប្ដាហ៍ថ្មីៗនេះខេត្តដែលជារោងចក្រថាមពលឧស្សាហកម្ម និងមានប្រជាជនរស់នៅច្រើនមួយនេះទទួលរងនូវព្យុះភ្លៀងខុសពីធម្មតាដែលបណ្តាលឲ្យមានទឹកជំនន់ធ្ងន់ធ្ងរ និងការបាក់ដីនៅក្នុងតំបន់មួយចំនួន ។
ផ្លូវនេះបានបាក់ប្រវែងជិត ១៨ ម៉ែត្រដែលបានបណ្តាលឲ្យរថយន្តចំនួន ២០ គ្រឿងជាប់គាំង និងមានមនុស្សសរុប ៥៤ នាក់ស្ថិតនៅក្នុងហេតុការណ៍ ក្នុងនោះមានមនុស្ស ៣៦ នាក់បានស្លាប់ ហើយមួយចំនួនទៀតរងរបូស ខណៈអាជ្ញាធរបញ្ជូនមនុស្សប្រហែល ៥០០ នាក់ទៅកាន់កន្លែងកើតហេតុដើម្បីជួយក្នុងប្រតិបត្តិការជួយសង្គ្រោះ ។
គួរបញ្ជាក់ថា ឧបទ្ទវហេតុនេះគឺជាគ្រោះមហន្តរាយចុងក្រោយបង្អស់ពាក់ព័ន្ធនឹងបញ្ហាអាកាសធាតុនៅក្វាងទុងក្នុងប៉ុន្មានសប្តាហ៍ថ្មីៗនេះ ។ កាលពីខែមុន ភ្លៀងធ្លាក់ខ្លាំងបានបង្កឲ្យមានទឹកជំនន់ក្នុងខេត្តមួយចំនួនដែលបានឆក់យកជីវិតមនុស្ស ៤ នាក់ និងបង្ខំឲ្យជម្លៀសមនុស្សជាង ១០០,០០០ នាក់ ។
ទន្ទឹមនោះ កាលពីសប្តាហ៍មុន ខ្យល់ព្យុះកំបុតត្បូងបានបោកបក់សម្លាប់មនុស្ស ៥ នាក់នៅទីក្រុងក្វាងចូវ ស្របពេលប្រទេសចិនកំពុងប្រឈមនូវបញ្ហាគ្រោះធម្មជាតិជាញឹកញាប់ ជាពិសេសគ្រោះទឹកជំនន់ ខណៈប្រទេសផ្សេងៗទៀតកំពុងប្រឈមនឹងបញ្ហារលកកម្ដៅកើនឡើងទៅវិញ ៕
អត្ថបទ ៖ ប៊ុន សុភាព
-
ជីវិតកម្សាន្ដ៦ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ១ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ២ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៦ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានអន្ដរជាតិ៧ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
សន្តិសុខសង្គម១ សប្តាហ៍ ago
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ
-
ព័ត៌មានជាតិ៤ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក