Connect with us

ព័ត៌មានអន្ដរជាតិ

ផ្ទុះភ្នំភ្លើងនៅ ឥណ្ឌូណេស៊ី ព្រួសផេះខ្ទាតដល់ ម៉ាឡេស៊ី

បានផុស

នៅ

ផ្ទុះភ្នំភ្លើងនៅប្រទេសឥណ្ឌូណេស៊ីបានបង្ខំឲ្យអាកាសយានដ្ឋានជាងពាក់កណ្តាលប្រទេសត្រូវបិទទ្វារ ខណៈដែលអាជ្ញាធរបានប្រញាប់ប្រញាល់ជម្លៀសមនុស្សរាប់ពាន់នាក់ចេញពីតំបន់ក្បែរនោះ ដោយសារតែការភ័យខ្លាចមានរលកយក្សស៊ូណាមិ ។ ​នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី​​២ ខែឧសភានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារឧតុនិយមរបស់ប្រទេសឥណ្ឌូណេស៊ី (BMKG) បានឲ្យដឹងថា ភ្នំភ្លើង Ruang បានផ្ទុះឡើងចំនួន ៣ ដងកាលពីថ្ងៃអង្គារ ដោយបានព្រួសកម្អែភ្នំភ្លើង និងផេះចម្ងាយជាង ៥ គីឡូម៉ែត្រទៅលើផ្ទៃមេឃ និងបង្ខំឲ្យអាជ្ញាធរចេញបញ្ជាជម្លៀសប្រជាជនក្នុងតំបន់ចំនួន ១២,០០០ នាក់ ខណៈផេះភ្នំភ្លើងបានខ្ទាតទៅដល់ភាគខាងកើតប្រទេសម៉ាឡេស៊ី នៅលើកោះ Borneo ផងដែរ ។

ការផ្ទុះរាលដាលនៃកម្អែភ្នំភ្លើងបានបង្ខំឲ្យអាកាសយានដ្ឋានចំនួន ៧ នៅទីក្រុងធំបំផុតក្នុងខេត្ត Manado និងទីក្រុង Gorontalo ត្រូវបិទទ្វារ ។ នេះបើយោងតាមការជូនដំណឹងពីក្រុមហ៊ុនអាកាសចរណ៍ AirNav Indonesia ។

ភ្នំភ្លើងនេះនៅតែបញ្ចេញផេះ និងផ្សែងពីលើមាត់រណ្ដៅនៅព្រឹកថ្ងៃពុធ ដោយអាជ្ញាធរបានប្រកាសអាសន្ននៅកម្រិតខ្ពស់បំផុតនៃប្រព័ន្ធប្រកាសអាសន្នកម្រិតទី ៤ ហើយបានអំពាវនាវឲ្យអ្នកស្រុកនៅចម្ងាយ ៧ គីឡូម៉ែត្រពីតំបន់ហាមឃាត់ ។ខណៈកប៉ាល់ជួយសង្គ្រោះ និងនាវាចម្បាំងមួយគ្រឿងត្រូវបានបញ្ជូនទៅដើម្បីជួយដឹកមនុស្សរាប់ពាន់នាក់ចេញពីកោះ Tagulandang ដោយសារតែមានការព្រមានអំពីកម្អែភ្នំភ្លើងមួយចំនួនបានធ្លាក់ចូលទៅក្នុងសមុទ្រដែលអាចបង្កជារលកយក្សស៊ូណាមិ ។

គួរបញ្ចាក់ថា ឥណ្ឌូណេស៊ីដែលជាប្រទេសប្រជុំកោះដ៏ធំបានជួបប្រទះនឹងគ្រោះរញ្ជួយដី និងសកម្មភាពភ្នំភ្លើងញឹកញាប់ ដោយសារតែទីតាំងរបស់វាស្ថិតនៅកន្លែងដែលងាយរងគ្រោះនៃមហាសមុទ្រប៉ាស៊ីហ្វិក ។ កាលពីឆ្នាំ ២០១៨ រណ្ដៅភ្នំភ្លើង Anak Krakatoa ដែលស្ថិតនៅចន្លោះកោះ Java និងកោះស៊ូម៉ាត្រា ក៏ផ្ទុះផងដែរ ដោយបានព្រួសកម្អែភ្នំភ្លើងដ៏ធំចូលទៅក្នុងមហាសមុទ្រ បង្កជារលកយក្សស៊ូណាមិ សម្លាប់មនុស្សជាង ៤០០ នាក់ និងរបួសរាប់ពាន់នាក់ ៕

អត្ថបទ ៖ ប៊ុនសុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ នាទី មុន

រដ្ឋមន្ត្រីសុខាភិបាល ជំរុញមន្ត្រី ត្រូវពង្រីកសមត្ថភាពបន្ថែមទៀត ដើម្បីផ្តល់សេវាជូនពលរដ្ឋកាន់តែមានប្រសិទ្ធភាពខ្ពស់

ព័ត៌មានជាតិ៩ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ១០ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ១១ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម១៣ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ២០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៧ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ២១ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៥ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ១៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម