ព័ត៌មានអន្ដរជាតិ
អង់គ្លេស ត្រៀមបណ្ដេញមន្ត្រីការពារជាតិ រុស្ស៊ី ចេញពីប្រទេស ក្រោមបទសង្ស័យស៊ើបការណ៍សម្ងាត់
អង់គ្លេសនឹងបណ្ដេញមន្ត្រីការពារជាតិរុស្ស៊ីចេញពីប្រទេស ដោយអះអាងថា មន្ត្រីទាំងនោះជាអ្នកស៊ើបការណ៍សម្ងាត់ឲ្យរដ្ឋាភិបាលរុស្ស៊ី ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP កាលពីថ្ងៃទី៨ ខែឧសភាកន្លងទៅ ។
រដ្ឋាភិបាលអង់គ្លេសបានប្រកាសវិធានការបណ្ដេញនេះ ជាផ្នែកមួយនៃជំហានប្រឆាំងនឹងសកម្មភាពមិនល្អណាមួយ នៅក្នុងចក្រភពអង់គ្លេសដែលប៉ុនប៉ងដោយរុស្ស៊ី ហើយក្នុងនោះរួមមានទាំងការដកតំណែងវិនិយោគិនអចលនទ្រព្យរុស្ស៊ីមួយចំនួនក្នុងប្រទេសផងដែរ ។
វិធានការមួយទៀតគឺកំណត់រយៈពេលដែលមន្ត្រីការទូតរុស្ស៊ីធ្វើការនៅអង់គ្លេស ដើម្បីរារាំងគោលបំណងស៊ើបការណ៍សម្ងាត់ ក៏ដូចជាកាត់បន្ថយសមត្ថភាពរបស់ទីភ្នាក់ងារស៊ើបការណ៍សម្ងាត់រុស្ស៊ី ប៉ុន្តែទាក់ទិននឹងបញ្ហានេះ ទីក្រុងមូស្គូបានព្រមានថា នឹងធ្វើការឆ្លើយតបទៅសកម្មភាពបង្កហេតុរបស់អង់គ្លេសនេះវិញ ។
គួរបញ្ជាក់ថា ក្នុងរយៈពេលចុងក្រោយនេះ អង់គ្លេសមានបញ្ហាជាច្រើនពាក់ព័ន្ធផ្នែកចារកម្មនេះ ជាក់ស្ដែងជនជាតិប៊ុលហ្គារី ៦ នាក់ត្រូវបានចោទប្រកាន់នៅឆ្នាំនេះពីបទចារកម្មឲ្យរុស្ស៊ី ហើយអង់គ្លេសក៏ធ្លាប់បណ្ដេញអ្នកការទូតរុស្ស៊ី ២៣ នាក់ចេញពីប្រទេសកាលពីឆ្នាំ ២០១៨ ផងដែរ ជាហេតុនាំឲ្យលោកខាងលិច និងប្រទេសមួយចំនួនទៀតធ្វើបែបនេះតាម ជាការឆ្លើយតបទៅរុស្ស៊ី ៕
អត្ថបទ៖ ប៊ុន សុភាព
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង១ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៤ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៤ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៣ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ